王菀之（Ivana）早前於旺角麥花臣滙為香港遊樂場協會首個年度音樂企劃《MusicSus延音Bucking計劃》Master Class 004 擔任星級講師，與學員們分享音樂創作的歷程，該計劃早前已邀得林一峰、鄺敏慧及徐偉賢擔任講師，而周鍚漢亦將於2月24日壓軸講授最後一場 Master Class。企劃的終期匯演將於3月14日假麥花臣舉行，為學員們提供演出平台，讓他們透過音樂展現年青人的才能。
同場加映：狀王之王｜陳浩民唔怕壞男人形象用作品說話 拍爆炸戲冇替身死頂：侷住上轎
Ivana在活動上分享了自己做歌手接近20年的感受：「我同大家一樣都係由學樂器到鍾意寫吓歌開始，由唔知道點樣將自己手寫出嚟嘅嘢變成錄製嘅歌，知道點錄製又唔識得推出，識得推出又唔識得宣傳咁樣，一路慢慢去學習。」多位延音計劃學員輪流向Ivana提問，被問她如何保持創作初心？Ivana笑謂：「我要諗諗先，我應該係冇偏離初心，所以先搞成咁，都依然係為自己創作行先，所以有時要預咗有啲曲風係冇咁多人有共鳴。」
胡楓92歲牛一獲千人唱歌賀壽 4大長壽秘訣 連後生仔都未必做到【下一頁】
《飯氣攻心》添食舊演員班底全走？ 老戲骨陣容變味網民召喚黃子華【下一頁】
她直言從落筆寫歌的一刻，已經知道這首歌會得到幾多聽眾，對於有學員提到在社交平台出歌，如何吸引更多點擊？Ivana說：「你嘅作品從來都唔關view數字，你要有信心同鍾意先可以擺上網，view數實在有太多原因影響，連擺上網嗰日有冇其他事情發生都關事，你擺上網係為咗畀人哋多一個選擇。」她又指創作的標準應該由自己去定義：「例如做音樂會，就做好人哋願意買飛嘅標準，hopefully可以做到，但至少做好自己嘅準備就好足夠。正如寫歌咁，演唱會就嚟啦，寫首賣飛嘅歌得唔得？得，咁咪《末日》囉。但係如果有日係我有嘢想講，寫首《Shattered》咪冇人聽囉，但係無論點，我都對自己作品有信心。」
另外，被問到她於歌唱路途的心得，Ivana自嘲：「我嗰條路途好崎嶇，呢20年，我有一個心得，我一係唔唱，一唱我就100%去享受我嘅表演，觀眾鍾唔鍾意我唔知，但係音樂一響起，我就會進入嗰個音樂世界，我會好珍惜嗰個世界。記得初初有其他歌手會話，點解我唔同觀眾講嘢？我話，我唱歌點解要同觀眾講嘢？慢慢我會學識，一個音樂會同大家近距離交流，我都用咗好多年去明白，講嘢都係分享。」
她又提到創作需要自律，死線（deadline）是很好的輔助：「（平日）唔想寫可以唔寫，但係要交歌啦喎，下星期要錄啦喎，監製催啦喎，自然就會做咩都諗住，有啲歌詞就係沖涼嗰陣諗出嚟，完全唔關沖涼事，但係佢就係咁出咗嚟。」Ivana與延音學員們傾到不捨得離開，會後更被學員瘋狂集郵，學員又大讚她是頂尖唱作人。Ivana很享受與年青人交流，讓她回憶20年前的自己：「佢哋問嘅問題都係我自己絕大部份都有經歷過，我好想同佢哋講，既然你哋咁熱愛音樂、咁有天賦，唔好將佢變成自己嘅壓力，透過音樂去發揮自己係好幸福嘅事，希望佢哋可以繼續多啲創作。」
至於過去一年的工作，Ivana直言「真係好辛苦」，但認為辛苦是應該的，因為自己喜歡創作與藝術，並再次鼓勵學員們努力做好自己的工作。至於即將迎接入行20年，她透露今年目標是推出全新專輯、演舞台劇、舉辦香港及巡迴演唱會，但紅館個唱一直未有着落，只因申請多年仍未有期。
撰文：娛樂組
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】