王菀之靠李玟歌曲伴隨出國升學 遺憾未有合作機會

王菀之（Ivana）今日到中環香港站出席《「型」祝機場快綫 25 週年》活動，並即場播放有關廣告；今次新歌M V中，有Ivana的真實故事在𥚃面，她透露15歲那年去外國讀書，當年也是坐機鐵，而她媽媽因為擔心她一個人坐長途機，於是寫了一封長信給帶領他們的機場服務員，希望可以多加照顧。

同場加映：全民造星V丨Nathan女友離世認曾考慮過退賽 王鋒跟阿澤反目糾紛仍需時間解決

{{hket:ul-video id="8595"}}{{/hket:ul-video}}

{{hket:inline-image name="DSC_5141.jpg"}}{{/hket:inline-image}}

回想當年年紀輕輕便要離家學習獨立，Ivana表示自己和歌中MV一樣，最叻是失暈和遺失東西，而旅途之中，她最感謝李玟（Coco）的歌一路陪伴，「個陣我帶咗三隻CD上機，其中一隻就係Coco的《我依然是你的情人》，喺加拿大讀書時日聽夜聽㗎！Coco可以講係我兒時偶像，佢唱歌又叻，遺憾未有機會同佢合作過。尋日聽到佢過咗身嘅消息都覺得好震驚同埋唔開心，希望佢屋企人同埋鍾意佢嘅人都可以節哀順變。」

{{hket:inline-image name="DSC_5217.JPG"}}{{/hket:inline-image}}

此外，最近Ivana被周潤發（發哥）封為「女神」，Ivana表示fans笑她收集到不少男神，「發哥自己話係我情人啦，上次古天樂又同三佬（陳湛文）爭我啦，我又同劉德華音樂上合作過，重唱歌跳舞嘅，所以都真係幾好運喎！最近發哥好似唔舒服，希望佢快啲好番啦，飲多啲水休息多啲。」

{{hket:inline-image name="DSC_5163.JPG"}}{{/hket:inline-image}}

攝影：林良明

撰文：娛樂組