中年好聲音2丨陳俞霏洗底成功被肥媽寸唔理評判 自爆已成人母：有陰影唔想要小朋友

《中年好聲音2》周日將進行「第十部曲」的《雙語之歌，累積排名榜十強隆重登場！》，今次回合12強選手將輪流獻唱雙語之歌爭入10強，由本回合開始起增設累積排名分，第一名獲得12分、第二名獲得11分如此類推，獲得ＭVP者則再加2分，每回合最低分2位被淘汰！

中年好聲音2丨安雅希自爆原來已經係媽媽 乖女考第一：為你感到驕傲【下一頁】

{{hket:inline-image name="wwweee.JPG"}}{{/hket:inline-image}}

今個星期日播出的有鄭梓浩的《只想你會意／認錯》、陳俞霏的《守望麥田／百年孤寂》、古淖文的《不如不見 ／Desperado》、黃劍文的《明知故犯／明知道》、劉威煌的《衹願一生愛一人／讓我一 次愛過夠》和沈宗賢的《紅葉斜落我心寂寞時／Right Here Waiting》輪流上場。據知，今個回合全部選手都得到80分以上，其中觀眾緣麻麻的陳俞霏穿上全白造型，斯文感覺非常新鮮，她坦言今次被歌詞感動，悟出不少人生道理。評判張佳添表示：「你揀啱歌，好表現到你嘅個性，（情感）啱啱好唔會過多或者過少，你喺台上有一種揮灑（自如）感覺，唔會覺得好煩。」肥媽反而笑嘲對方過份忘我：「佢直情係睬你都傻，冇睇過我哋，佢真係好享受個舞台，呢樣係啱嘅，但要畀番少少面班評判，好似唔當我哋存在咁，係咁意得閒望吓我哋啦！」

陳俞霏在訪問中自爆原來育有一名3歲多的女兒，女兒現在於廣州生活，她坦言當初其實沒有想過要生小朋友：「講真我呢世人最唔想要嘅就係小朋友，因為唔想我嘅小朋友過住我以前過嘅生活。」她表示兒時媽媽對她十分嚴厲，令她留下深深的陰影：「佢希望我成績全部係滿分，99.5分對佢嚟講已經係瑕疵，令我有少少心理陰影，覺得自己一直為人哋而活。冇諗過反而喺女兒身上搵到救贖，佢畀咗好多快樂我，我人生一直係我媽咪話晒事，有咗囡囡先發現人生原來唔係咁。希望囡囡可以做自己，唔好理人哋，開心就得！」

{{hket:inline-image name="423671415_122180915558009264_3877586301305821292_n.jpg"}}{{/hket:inline-image}}

中年好聲音2丨安雅希與參賽者拍賀年外景被捕獲 獲讚真身唔肥 網友驚見2個劉威煌？【下一頁】

而黃劍文再度挑戰女歌男唱獻唱《明知故犯／明知道》，越唱越強的劍文來到10強爭奪戰再有出色發揮，獲張佳添大讚：「你聲靚同感情恰到好處，我覺得你鬥心開始出嚟，係其中一隻黑馬！」周國豐亦說：「呢幾集你嘅信心返晒嚟，你嘅Vocal Performance表現得好好，你好唱到作為第三者嗰種痛，你激情得嚟又唔會太Over，恰到好處。」伍仲衡亦大表認同：「你啲哭腔依家恰到好處呀，之前係多到漏！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組