中年好聲音2丨安雅希遵父遺訓舞台上落力表現 被海選照片嚇怕努力勁減43磅

《中年好聲音2》安雅希（Maggin）被形容是「大魔王」，獨特靚聲加上歌唱技巧，獲不少評判和觀眾的讚許，視為冠軍大熱。爸爸在Maggin賽前離世，為了不負家人的支持強忍淚水，努力表現圓唱歌夢。過程中，Maggin面對壓力、負評及地獄式減肥，辛苦但無怨無悔，因為她背負的不是名利榮譽，而是遵照爸爸遺訓，博盡無悔。

{{hket:ul-video id="9973"}}{{/hket:ul-video}}

36歲的安雅希原本是一名英語主播，《中年好聲音》之前參加過大大小小不同的歌唱比賽，她坦言沒想到自己會緊張，但當踏上TVB的一廠舞台獻唱《光亮》，全身發抖緊張都不得了。多次演出搶得高分分數，評判們都一致好評，觀眾們形容她是「香港Adele」、「翻版欣宜」等等，安雅希說：「我覺得以前似啲，而家只係少少似，我覺得欣宜靚過我好多，不過似邊個唔緊要，最緊要係歌藝同經驗慢慢追趕前輩們，而唔單止係樣貌似，咁樣先係一件好事。」節目受歡迎自然網上有熱烈的討論，安雅希坦言起初不太敢看，「我知道大部分都係支持我嘅朋友，為我帶來信心，部分人唔鍾意自己亦係正常不過嘅事，我接受但盡量選擇唔去睇，因為我初衷都係想為愛我嘅觀眾唱好歌。」

中年好聲音2丨安雅希自爆原來已經係媽媽 乖女考第一：為你感到驕傲【下一頁】

{{hket:inline-image name="DC.JPG"}}{{/hket:inline-image}}

{{hket:inline-image name="YH.JPG"}}{{/hket:inline-image}}

安雅希由海選至今，身形明顯清減不少，她坦言媽媽為她海選的片段截圖，看畢她都嚇一跳，「我從觀眾角度去睇呢張相，我同自己講：『你可能真係要減肥喇！』因為如果我係觀眾，除咗聽歌聲之外，都想睇歌手眼前一亮嘅感覺，加上我都係為家人，希望所有嘢都做得完美啲！（減咗幾多？）暫時減咗43磅，而家有腰呀我，輕咗同埋自信心都大咗！」她笑言節食頭一星期都比較辛苦，甚至餓到失眠心慌，但慢慢習慣亦會選擇卡路里較低的食物，加上晚上六點後禁食和運動，減磅過程總算非常順利。

安雅希在節目上多次激動落淚，全因她一路走來不容易，先是面對海選後爸爸因癌症離世，後來媽媽因傷心過度眼睛出現問題，而她參賽期間亦因壓力太大而生蛇，猶幸一切未有影響她參賽的決心。再次提起亡父，安雅希不斷說服自己不要哭，但仍然難忍淚水，「海選嘅時候對我嚟講係好難受，我想放棄唔係唔鍾意唱歌，而係因為當時爸爸身體情況係最差，佢患咗癌症身體好弱，我好驚自己參賽錯過咗佢...」她表示完成海選後急返內地陪爸爸，當時爸爸仍然開車到機場接她，四天後他的病情驟變離世，「只係四日，你可以想像到當時佢應該係好痛好辛苦，但都堅持要去機場接我，佢真係好偉大，同埋好支持我去做自己鍾意做嘅事。爸爸最後嘅一段日子，我同父母有傾過唱歌嘅事，我話我想參加比賽，但又好驚唔夠膽，爸爸話：『你鍾意唱歌就去啦，做好表現畀大家睇！』所以，我就嚟參賽，每次演出都要百分百付出，咁樣先對得住我爸爸。」

中年好聲音2丨安雅希拒媽媽再流淚恐有失明危機 參賽多災多難 生蛇忍痛頂硬上【下一頁】

{{hket:inline-image name="YCC.jpg"}}{{/hket:inline-image}}

{{hket:inline-image name="YNN.jpg"}}{{/hket:inline-image}}

安雅希曾經離歌手只有一步之遙，夢一直放在心中，「老土講句，我真係好鍾意唱歌，程度係有時真係好唔開心，我只要唱番一個鐘頭歌，我就會神奇地開心！做歌手當然想，但唔想畀太大壓力自己，媽媽話：『鍾意唱歌就繼續唱，如果太大壓力放棄都冇所謂，如果TVB唔要你，大不了就返去工作囉！』」她表示目前希望專心比賽，把歌曲演繹好獻給觀眾，大家喜歡就是她最大的目標。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：何家賢、陳健珊
撰文：楊安莉