聲夢傳奇丨林智樂音樂大豐收望努力求進 與潘靜文兩家人團拜夠熱鬧

《聲夢傳奇》的林智樂和潘靜文老友鬼鬼，原來不止兩人的友誼，連帶兩家人的友情都從此建立。林智樂和潘靜文兩位媽媽早已成為密友，每逢佳節都會幾個家庭聚首一堂開派對，去年兔年林智樂和潘靜文在事業上都有好好的成績，所以兩人都預計會派開工利是答謝所有辛勞的工作人員，亦打算團年齊齊玩餐飽。

同場加映：中年好聲音│周吉佩收入增預派利是加碼3倍 李佳難忘細個燒衫被姨媽開年

{{hket:ul-video id="10103"}}{{/hket:ul-video}}

聲夢傳奇｜林智樂Felix停學做歌手恨攞新人獎 被指似陸永6號：新人要有記憶點【下一頁】

{{hket:inline-image name="DSC07742.jpg"}}{{/hket:inline-image}}

{{hket:inline-image name="DSC07730.jpg"}}{{/hket:inline-image}}

{{hket:inline-image name="DSC07729.jpg"}}{{/hket:inline-image}}

去年林智樂以新人姿態得到不少獎項，而潘靜文正式做主持後就入圍《萬千星輝頒獎典禮》的「最佳女主持」十強，入行短短日子有亮眼的成績，絕對可喜又可賀。對於林智樂得獎，潘靜文說：「其實好戥佢開心，知佢好想攞，又好大壓力，我見證住佢好努力去籌備搞呢兩首歌製作同宣傳。我覺得一個人咁努力去為自己做所有嘢，攞獎絕對係最好嘅證明同讚賞！」林智樂自爆原來好迷信，頒獎禮前由於求獎心切，走去廟宇求籤，「臨近電台頒獎禮，好想攞獎，於是去咗求籤，點知係下下籤，但最終攞到獎，所以我諗番會唔會執錯人哋支籤。因為當日，我求足半個鐘都冇籤出，後來見到地上有一支就當係，不過無論如何，我都有去還神呀！」得到獎項，林智樂坦言絕對是意外收穫，畢竟樂壇新人數量多，感恩自己的作品被聽到，完成心願後，他希望今年繼續好好享受與喜歡的音樂人合作，推出好的作品，答謝大家。

至於潘靜文首次入圍「最佳女主持」，她表示大感驚喜，「我好多謝各位投票同埋公司嘅賞識，頒獎禮當晚我坐喺女主持嗰一枱，輩份同年紀都係最細，所以我唔敢講野，但個個前輩都好親切同我有傾有講，公司氛圍好好。特別係麥美恩得獎，佢感言話希望傳承女主持精神，我都想可以做到佢咁，正經又得。」潘靜文表示第一次跟麥美恩合作是《Hands Up》節目，當時雖然麥美恩是嘉賓，但毫不吝嗇教她主持的知識，令她獲益良多，「佢教我點樣去就鏡頭，一個前輩好就好在唔介意新人可能爬頭或者爭機會，反而大方傳授經驗，真係好多謝佢。」

為答謝身邊工作人員的幫忙，兩人龍年都準備好大堆利是派畀大家，希望將福氣分享出去。至於新年放假的日子，兩人已經早已準備好兩家人團拜，潘靜文說：「我阿媽同佢阿媽係可以做到閨密，好開心，過時過節，我哋都係三個家庭搞聚會，搞過兩次，連萬聖節、情人節都要三家人慶祝，真係好正囉！人生有幾可，可以喺工作環境認識嘅人而認識埋對方屋企。」林智樂說：「聚會大家當Game Show咁玩，真係好認真玩！」

亞洲超星團丨潘靜文自揭曾被損友帶壞試吸煙 戴祖儀撑26歲丁子朗選秀唔算老：佢仲好細個【下一頁】

林智樂表示以往年初一晨早就會安排去流浮山食齋，行完大運之後再飲茶，「我細個好乖呀，年初一阿媽話唔可以瞓懶覺遲起身，但我平日日日都朝早六點先瞓，有年瞓晏咗即刻拜年都勁唔聚財。」

潘靜文透露每年大年初一去婆婆食開年飯，她的南乳齋非常好食，希望將來可以傳承她的手藝。她跟家人新年期間都會打麻雀或者玩「魚蝦蟹」小賭怡情一番，發個新年財。問到是否初三不拜年，她笑言：「我同屋企人本身個相處都好似嗌交咁，因為我哋講嘢好大聲，所以唔怕赤唔赤口，新年放假仲忙過返工！」

{{hket:inline-image name="277790855_661745831603411_4831469454581747948_n.jpg"}}{{/hket:inline-image}}

{{hket:inline-image name="272455742_914117249250530_1083430206615374274_n.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：何家賢
撰文：楊安莉