向佐囡囡意外曝光混血五官勁可愛 郭碧婷幸福肥一家互動充滿愛

向華強兒子向佐2019年同台灣女星郭碧婷結婚，婚後先後誕下兩個寶貝，郭碧婷淡出幕前做少奶奶，生活無憂。雖然二人屢傳婚變，但都無損佢哋感情，佢哋仲不時分享溫馨生活日常以行動力證情未變。日前向佐post出一條囡囡幫佢卸妝片段，意外將囡囡可愛樣曝光。

片中向佐當日工作完返到屋企，囡囡自動請纓幫佢卸妝，而媽媽郭碧婷就好用心咁教囡囡要點做，向佐情深款款咁望住寶貝女，非常幸福。點知囡囡抹咗兩下就唔玩，之後就由媽媽接手，佢就好溫柔咁同向佐講話個妝好薄，之後試圖要阿女重返「正途」，叫佢繼續幫爸爸。

{{hket:inline-image name="42.JPG"}}{{/hket:inline-image}}

之後貪靚嘅阿女將卸妝棉撻上自己塊面，搞到爸爸媽媽都笑唔停，之後佢再超大力幫爸爸抹面，郭碧婷就叫佢細力啲，唔係爸爸就會變醜，全程互動都非常可愛，對男人嚟講真係夫復何求。片中囡囡不停轉來轉去，雖然向佐有用貼圖想為囡囡遮樣，但樣貌都係意外曝光。唔少網民都大讚佢眼大大超可愛，仲有啲似混血嘅公公添！

而郭碧婷就越來越福相，片中見到佢非常圓潤，網民都話佢同奶奶陳嵐「越來越像母女，反觀向佐像外人」。事實上，郭碧婷多次陷婚變風波都選擇不動聲色，反而由向太出面説明，沉穩作風相信都係佢擄獲奶奶嘅心嘅原因之一。去年3月，向太在社群分享與郭碧婷日常相處的影片，並表示：「其實婆媳關係真的是很簡單，她當我是媽媽我當她是女兒，互愛互重，那麼相處就一點都不會有困難。」

圖片來源：抖音