聲夢傳奇丨Chantel姚焯菲首次紐西蘭獨自過新年 Yumi鍾柔美Windy詹天文備戰DSE唔敢溫「書」？

龍年新年快樂！《聲夢傳奇》三位小花姚焯菲（Chantel）、鍾柔美（Yumi）及詹天文（Windy）迎接龍年，三位是求學中的學生，於是動動毛筆，畫出她們心目中的「龍」。Windy一聽到要畫畫就率先滴汗，自愧畫功麻麻，不過她們都齊齊「出貓」拎住電話參考，最終大家的作品都相當不錯，Chantel和Yumi更將「龍」公仔融入文字「龍」和「福」當中，為大家帶來祝福！

同場加映：中年好聲音│周吉佩收入增預派利是加碼3倍 李佳難忘細個燒衫被姨媽開年

{{hket:ul-video id="10103"}}{{/hket:ul-video}}

Chantel、Yumi及Windy雖然認識幾年時間，不過這一年來Chantel在紐西蘭留學，大家見面時間都比較少，不過今次一齊寫揮春就笑料百出，Yumi自認她所畫的龍似足「豬」樣，而Chantel最快完成，更不斷安慰欠缺自信的Windy，三女感情仍然非常要好！提到今年新年假期，對很多學生而言一定非常開心，不過她們感受就各有不同，Chantel說：「新年我要返紐西蘭讀書，第一次唔喺屋企人身邊過節，（利是點算？）應該會喺我走之前畀晒我！我未派過利是，但我覺得自己到18歲就應該派，雖然屋企人唔喺身邊，不過當地嘅朋友都好想有新年氣氛，可能我會派利是或者煎年糕畀佢哋食，食得落肚嘅，應該唔會肚屙！」

Chantel姚焯菲品牌晚裝裙賣$4596被批離地 星星外套疑與淘寶撞款貴30倍【下一頁】

{{hket:inline-image name="DSC07657.jpg"}}{{/hket:inline-image}}

至於Yumi及Windy同樣今年要準備考DSE，所以農曆新年都不能夠盡情玩，預計最少一半以上的時間要用來溫習，Windy說：「DSE臨近，可能真係得一、兩日用嚟拜年，其他時間真係要溫書。」身旁的Chantel即時笑言：「新年唔可以拎書出嚟溫呀，輸輸聲唔好聲！」Windy說：「你真係好有文化，我都會照溫習，不過就用iPad溫，咁就唔會『輸』喇！」Yumi坦言自己溫書的材料都在iPad，完成少量工作後就專心投入準備考試，至於新年是否會大快朵頤狂食，她說：「其實我唔知大家覺唔覺，我塊面脹咗同埋肥咗少少，之前啲褲已經著唔落喇！呢個歲數係發育期，真係好容易肥，同以前食同一樣份量，依然都係會肥，不過唔緊要啦，我見Chantel會做Gym，我都有Keep住跳舞，有運動唔怕會肥！」曾經努力減肥的Windy稱只敢放肆一日，事關自己是易肥體質，磅數經常都「步步高昇」，惟有放蹤完就好好勒緊自己把口，不要亂食。

大雕刻家丨詹天文慘成箭靶學習強化玻璃心 太直率曾得罪人：追夢犧牲成長過程【下一頁】

至於龍年大計，Chantel表示過去一年派兩首歌，曲風都有所突破，「我自己好鍾意成個造型同風格，好開心粉絲們冇嫌棄，大家睇慣我cute cute咁但都接受到我唔同嘅一面！所以龍年我將會有更多唔同突破畀大家睇到！」至於Windy認為過去一年長大不少，不過心態上仍然未能堅強地成長，美中不足，她的跳唱歌曲《大雕刻家》非常成功，希望龍年將會繼續保持追求完美的心，做出更好的音樂作品。至於學業，她說：「DSE一定會做到最好，之前考完模擬考試，不斷都keep住溫習，成個腦都係DSE考題，希望到時可以正常發揮就可以！」

{{hket:inline-image name="260783765_2656003651374299_5952938672673076872_n_600.jpg"}}{{/hket:inline-image}}

至於Yumi同樣希望考好DSE，成功報讀自己的理想大學，「升大學之後時間應該會鬆動少少，希望可以喺香港一路讀書一路做嘢！過去一年，自己試過跳舞歌又試咗抒情歌，仲好大突破試做主持，我平時講嘢唔叻，今次真係學到好多嘢！最開心係得到新城勁爆新人獎同埋《萬千星輝頒獎典禮》的最具潛質新人獎，真係估唔到，希望視作一個鼓勵，畀我繼續努力向前行！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組