《聲夢傳奇》首屆季軍Yumi鍾柔美真係聽話又抵錫，事關這晚TVB娛樂新聞台為她送上最新的Little Miss HK套裝，獎勵Yumi在學校考獲全班第一名。其實這款套裝已是她連續第三年收到的禮物，Yumi冇嫌棄仲好開心，並講得出之前兩次是粉紅色包裝，十足是香港小姐產品的代言人。
同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣
Yumi於2021年9月跟Archie冼靖峰在後台練歌，《東張西望》派員採訪之餘，並送上Little Miss HK套裝給她。當日Archie做代表為其加冕，Yumi即刻勁緊張，擔心髮型被搞亂。翌年「After Class」成員炎明熹、姚焯菲、詹天文及Yumi難得合體，《東張》就送上當年最新款套裝給她們，四人在錄影廠的觀眾席上互相加冕。
Yumi鍾柔美睇《Barbie芭比》太興奮 偷拍打卡出Po 事後急刪相道歉【下一頁】
今次Yumi在學校考獲全班第一名成績，TVB娛樂新聞台相約她做訪問，並送上2023年版本的港姐禮盒。當收到主持人送上的禮盒後，Yumi亦表現得興奮，她說：「我細細個好鍾意睇香港小姐，差唔多追住嚟睇，都學到好多嘢，佢哋點樣行路、講嘢，擺甫士，我最鍾意就係睇呢啲。」她打開禮盒時講得出之前兩次是粉紅色主題，並拿起小型后冠試戴，「我已經有第三個喇，（係屋企有自拍）冇，反而鍾意擺喺度，如果我係真正『香港小姐』就會係咁selfie，但係我唔係。（有諗過參選港姐）細個有呀，細個有幻想吓，而家就專注唱歌先！」
聲夢傳奇丨鍾柔美與江美儀事隔七年再相認 童星出身圓夢做歌手旋風式長高【下一頁】
其實Yumi於2022年參加《Watch From Home》網上音樂會時，被JW王灝兒問過有冇想過選港姐時，Yumi自爆家人和朋友都認為她長大後要去選美，她笑笑口說：「被佢哋不斷講之下，我都想快啲夠18歲參加《香港小姐競選》，（3年後你再選港姐？）可能係啦，之後再算啦！」未知是否因此，TVB決定連續幾年搵她宣傳相關產品。
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
不少網友留言力讚Yumi：「Yumi夠晒條件選港姐啦，真正美貌與智慧並重，Yumi除咗跳舞叻，讀書也本事。」、「已出道歌手日後可唔可以轉身去參選港姐？希望可以」、「《聲夢》裡面我覺得最靚女係佢」、「Yumi叻女又靚女」及「考試第一將來可以做一個出色嘅姐姐。」等。
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】