美斯訪港丨丁子朗胡鴻鈞到酒店頭排追星 TVB娛樂台主持興奮打卡變迷妹

阿根廷球王美斯（Lionel Messi）今日（2日）率領球隊國際邁亞密（Inter Miami）訪港，後日（4日）將於香港大球場與香港隊踢表演賽。國際邁亞密乘搭的航班約於今午約2時45分抵港，由於前一日球員完成賽事就上機，所以他們落機時都難掩疲態，更在合照環節越叫越走，火速離開停機坪位置。記者會在香港富麗敦海洋公園酒店舉行，不過只有蘇亞雷斯出現，美斯未有亮相，TVB藝人胡鴻鈞和丁子朗均有現身酒店「追星」。

美斯訪港效應張家輝被召喚 與關詠荷婚照再度失落街頭？【下一頁】

{{hket:inline-image name="1111_600.png"}}{{/hket:inline-image}}

{{hket:inline-image name="MEI1.jpg"}}{{/hket:inline-image}}

丁子朗和胡鴻鈞獲安排在酒店入口的頭排位置守候，兩人興奮全程舉住手機錄影，胡鴻鈞更嘗試遠距離自拍，不過兩人未有機會跟偶像美斯合照，反而被現場球迷「捕獲」合照。丁子朗回應傳媒查詢時指由於現場人數眾多，未能成功握手或合照，不過能夠頭排目睹他的風采，他已經非常感恩開心。

美斯訪港丨姜濤Anson Lo確認做表演嘉賓 邁亞密對港隊賽事再賣限量門票【下一頁】

TVB娛樂新聞台都有派員採訪今日的記者會，新丁劉倬昕本身是運動員，今次由她親自採訪，都算合適不過。劉倬昕原來都是球迷，她在IG分享記者會的採訪花絮片，見到蘇亞雷斯的一刻，她更自問：「我係咪發緊夢？」，而她絕對「迷妹」上身大讚蘇亞雷斯聲線。劉倬昕接沛《晴報》電話訪問，她表示：「有幸可以去到記者會，心情當然非常興奮，我由10歲開始睇波，嗰陣時2010年南非世界盃，第一對支持嘅球隊就係阿根廷，然後好鍾意美斯 ，所以後來好鍾意巴塞呢個球隊。國際邁亞密今次有好幾位巴塞球星到訪香港，頭先喺記者會上面見到蘇亞雷斯，興奮到同佢嚟咗張遠距離自拍，同埋聽佢真人把聲好性感，自己嗰陣時去外國做交流生，都有特登飛去西班牙巴塞球會，睇呢個孕育球星嘅地方，所以今日更加夢幻，呢一刻最想見到嘅都係球王美斯！（美斯冇去記者會感失望？）聽記者會介紹球員代表嘅時候，估到唔係美斯，有少少失望，因為睇佢落車嘅時候太多人，唔係睇得好清楚。」

作為球迷，劉倬昕透露已經買飛睇練習賽和正式對賽賽事，她說：「除咗期待美斯同蘇亞雷斯再次聯手，仲可以見到啱啱喺晏晝會返嚟嘅香港隊，期待佢哋嘅表演賽！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組