東張西望丨梁敏巧勇闖追訪難民食物卡案受傷 彭太否認圖利：我簡直好心到痺

《東張西望》一連三晚報道有人利用難民食物卡轉售貨物圖利的個案，繼連續兩晚放蛇和偷拍行動鐵證他們的非法行為後，節目組終於派出外景主持梁敏巧主動出擊，上前質問當事人彭太，彭太在「打躉」超級市場一聽到《東張西望》訪問，她立即拔足逃跑，梁敏巧、攝影師和導演上前狂追，最終混亂間梁敏巧不幸受傷。

同場加映：中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

東張西望丨揭用難民食物卡入貨再轉售圖利 賺盡納稅人錢 網友讚節目：做得好【下一頁】

{{hket:inline-image name="C2.jpg"}}{{/hket:inline-image}}

{{hket:inline-image name="C3.jpg"}}{{/hket:inline-image}}

梁敏巧一行三人上前追訪彭太，彭太離開超市立即走到大廈後樓梯，更用蠻力頂住防煙門，令原本伸手遞咪的梁敏巧的手臂被夾實叫痛，「小心啲，嘩嘩嘩，整傷人呀彭太！」彭太用身體壓實防煙門再開遮遮樣，即時走人，不過梁敏巧同攝影師即時上前追，畫面雖然睇不到，但梁敏巧說：「嘩，你打人呀！你唔好偷我哋啲嘢先得呀？佢打到我個嘴好痛，同埋佢偷咗我哋啲嘢！」原來彭太直接搶走梁敏巧的咪施施然離開，但導演有追上前但語氣溫和稱想同彭太傾傾偈，彭太將咪掉回攝影師，然後想走，只是不能力量跟攝製隊角力。

彭太被追到氣咳並用遮面的方式接受訪問，她竟然公然講大話：「今日第一次做，我第一日開心幫吓啲人（難民），佢自願唔關我事，佢哋仲求我幫佢哋，叫我哋香港人好心幫吓佢哋，佢哋冇錢，食物又食唔晒！」提到彭太跟難民現金交易，彭太解釋由於不少街坊英文不佳跟難民溝通不好，她只是充當中間人，沒有從中獲利，「斗零都冇呀！嘥氣！人哋咁淒涼仲要人哋啲錢做咩吖？我簡直好心到痺，你訪問吓啲街坊，個個都話我好心到不得了。」明明攝製隊連日偷拍都發現彭太的交易，加上投訴人指過去六至七年來都經常見到彭太的所作所為，似乎彭太不太誠實。至於超市職員對彭太非常著力協助，彭太說：「我冇咁大面呀，你唔好冤枉我，我真係唔識人！唔好冤枉人哋職員，人哋打份工！」她又否認幫街坊及藥房平價入貨。藥房職員、超市職員、士多老闆等都連聲否認，藥房職員聲稱彭太只是租借位置供她放貨賣出圖利，跟藥房無關。

{{hket:inline-image name="C9.jpg"}}{{/hket:inline-image}}

{{hket:inline-image name="C8.jpg"}}{{/hket:inline-image}}

{{hket:inline-image name="C1.jpg"}}{{/hket:inline-image}}

梁敏巧離開香港暫別《東張西望》 加拿大落地即分享超市「獵奇」【下一頁】

{{hket:inline-image name="C10.jpg"}}{{/hket:inline-image}}

{{hket:inline-image name="C11.jpg"}}{{/hket:inline-image}}

{{hket:inline-image name="C12.jpg"}}{{/hket:inline-image}}

{{hket:inline-image name="C13.jpg"}}{{/hket:inline-image}}

雖然揭發今次事件獲得不少網友認同，不過社署、香港國際社會服務社及超市等都是冷淡回應，恐怕事件有可能不了了之。今次梁敏巧勇猛跟彭太對質受傷。她接受《晴報》電話訪問表示：「當日因為同彭太有啲肢體碰撞，夾到我手指同腳趾，搶咪期間就打到我個嘴，傷勢比較大係個嘴唇，又痛又紅咗兩、三日，手指同腳趾傷勢相對冇咁大，最終都冇報警。」她表示游說彭太平心靜氣做訪問是三人合力的功勞，今次報道出街希望各部門都可以加強監察工作，令每個政策都可以用得其所。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組