黃智雯在2023年，經歷了好多變化，除了離開效力16年的無綫電視台，以及轉投新經理人公司向外闖之外，亦揭開人生新的一頁，結束愛情長跑，與拍拖11年的男友詹文天（Anthony）結婚，組織新家庭，正式成為人妻。
以往，黃智雯在感情上都刻意保持低調，她與珠寶集團公司高層詹文天（Anthony）拍拖多年，不過在黃智雯的社交平台內，沒有留下任何痕跡。直至去年10月，才宣布與詹文天結束11年的愛情長跑，拉埋天窗。
萬千星輝頒獎典禮2023丨唐詩詠黃智雯離巢被飛出視后十強 自由身無阻《新聞女王》佘詩曼李施嬅爭后【下一頁】
胡說八道演唱會丨李施嬅首次與未婚夫Anson同框 健身教練變迷弟捧場High爆跳舞【下一頁】
黃智雯早前接受《晴報》訪問時表示，2024年自己有個小目標，將自己工作和生活取得平衡，她說：「以前做得冇咁好，Priority（優先)會諗工作行先，可能1年都唔知自己邊幾個月會拍劇，真係可能12個月入面得一個月得閒，有少少時間先會諗去旅行。」
專注工作的程度，黃智雯甚至會廢寢忘餐：「可能我哋食一餐fine dining，3個鐘食飯，每道菜有唔同味道，第一道係森林味、之後有其他味道，但我完全食唔到個味道，覺得全部都差唔多，個人直係『離魂』，完全享受唔到當下，所以我之後要學吓珍惜相處時間。」幸好，老公詹文天完全了解黃智雯的思想，早已飄去另一個空間，卻一直沒有投訴，只是溫馨提示黃智雯要懂得分配好休息時間。
若然難得二人有時間配合到，就會拍拖去旅行，尋找世界各地的美食，黃智雯表示，她與丈夫有個美食餐廳名單，希望之後會更多時間可以逐一完成目標：「我哋sweet moment（甜蜜時刻）都係圍繞食嘢，佢好好，去旅行會編排好行程，而且安排食好多美食，每次我都扯住衫尾去食，係一個小跟班，就算喺香港嘅嘢食，其實都有好多好想試。曾經試過有間好好味嘅日本菜餐廳，Book好晒期但有嘢做去唔到，惟有改時間。」
而黃智雯和詹文天的共同興趣原來好簡單，她分享了一個小秘密：「本身我覺得食薯片好減壓，拍完嘢好辛苦，返屋企就會食一包。佢都一樣好鍾意食薯片，我哋食完飯，食嘅『甜品』係食薯片、然後開套戲一齊睇。我覺得大家坐喺隔籬，互相陪伴，好減壓又開心。」黃智雯表示老公會好Sweet，不時訂購不同口味的薯片，家中其實最多不同口味的薯片，方便她有需要時候便可以盡情享用。現時兩公婆飼養一隻愛犬，黃智雯表示在照顧小動物的時候，雖然有時為此會有小爭執，但是卻使二人互相了解，情趣增加。不過她笑言不急於「造人」，「呢方面我同佢都有共識，順其自然就得喇，佢同我都冇呢方面壓力，大家都知有小朋友係一個好大責任，所以工作為先。」
至於在工作上，黃智雯離開了自己的舒適圈，為追求突破，離開無綫。以往黃智雯在公司都有不少機會，代表作有《缺宅男女》的「關二嫂」，以及《三個女人一個「因」》，一人飾演三角等等，直至2012年，她在《萬千星輝賀台慶》奪得「飛躍進步女藝員」獎。
在無綫磨練演技16年，黃智雯表示，自己其實缺乏自信，每次都要問導演或者監製意見。她回想起拍攝《缺宅男女》時都心驚膽戰，「平時講嘢細聲，乜都驚，但接呢個角色，同個人完全唔同性格，又要大膽鬧人。當時我仲係新人，竟然安排要我鬧三哥（苗僑偉），去到現場，我同自己講唔好驚，當見到仇人，而唔係三哥。好彩三哥叫我即管鬧，嗰一幕仲要向佢動手。前輩畀好大信心我，有人畀信心我先可以會加油。」
直至之前有機會接觸舞台劇，在另一個範疇上，慢慢地增加信心：「做舞台唔可以冇信心，只能自己幫自己，排練時間多，令我適應能力同埋面對難關嘅EQ，令自己即時冷靜去處理，呢方面好好訓練，令我更想演戲上仲有追求。」
黃智雯加入新的經理人公司，做蔡少芬和朱茵等人師妹，她直言跳出舒適圈，想有更多的嘗試，早前就跟胡杏兒、胡定欣、李施嬅一班「胡說八道會」姊妹們去外地登台表演，她說：「我想做多啲未做過嘅嘢，之前去做巡迴演唱會，之後希望可以再去其他地方表演。同埋我希望唱、跳表演上加強能力，畀唔同地方嘅人睇到我演出。同埋電影、舞台上嘅演出都想試多啲。最後我想喺創作上都參與多啲，以前做演員係演人哋寫嘅劇本，演員做耐咗都想參與創作，對角色想法想實現出嚟，希望可以挑戰，舞台獨腳戲都想試。」黃智雯表示抱持開放的態度，不局限任何一個地方發展，希望藉此可以突破自己。
撰文：王連連
攝錄：何家賢
場地提供：Pier 1929 (灣仔碼頭）
化妝：諺瞳.小白
髮型：Jay @ HoLA
服裝：self-portrait
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】