結束愛情長跑丨40歲黃智雯拍拖11年終嫁珠寶業鉅子 「胡說八道」尾三出閣姊妹送祝福

現年40歲嘅黃智雯同從事珠寶業嘅男友Anthony（詹文天）拍拖11年，中間多次傳出婚訊，仲曾經被指「隱婚」，不過佢都一一否認。終於，今日黃智雯喺社交平台宣有要嫁人喇！

同場加映：

黑妹韋綺姍薪火相傳率學生演出 吉吉啟豪深明癌症之苦義唱助人

{{hket:ul-video id="9259"}}{{/hket:ul-video}}

黃智雯post幾張清雅嘅結婚相，着上簡約白色婚紗嘅佢輕露鎖骨，其中一張相黃智雯同Anthony都冇露面，只係影住男方為佢戴上結婚戒指嘅一幕；而另一張相就係黃智雯充滿期待咁望住手上花球，簡單得嚟非常浪漫。當中只有一張相見到Anthony側面，二人着上正式服裝，女方為未婚夫整理頸上嘅煲呔，勁溫馨呀！黃智雯甜絲絲留言：「一直深信，我是個很幸運的女孩，身邊總包圍着愛錫自己的人，在被愛的環境下溫暖成長。感恩，有你。#我們結婚了。」

{{hket:inline-image name="386417320_690579502657230_3541143621031963175_n.jpg"}}{{/hket:inline-image}}

黃智雯係佢好姊妹群「胡說八道會」入面第四個宣布嫁人，當中胡定欣、姚子羚仲係尋覓緊如意郎君。好姊妹們都搶閘留言送祝福，個個都以「終於」嚟形容黃智雯出嫁，胡定欣、胡杏兒、胡蓓蔚同姚子羚留言：「BIG BIG CONGRATULATIONS TO YOU AND JIM! Finally!（大大祝賀予你和詹，終於）」、「FINALLLLLLLLLLLY, so happy for u guys, congratulations!」、「FINALLY! Big congrats to you two. Married life will be even more fabulous.（終於！結婚後生活會更夢幻）」、「呢個新娘咁靚嘅！要幸福快樂啊」。

其實近年有傳黃智雯進駐男友位於東半山的2,000萬豪宅，她亦在訪問中表示視對方為終生伴侶，準備好隨時結婚。前年黃智雯直播時，講到同袁偉豪合作嘅新劇《把關者們》時，突然斷線，袁偉豪見狀就話：「佢又借咗人哋Wi-Fi畀人cut咗，一係佢老公出嚟叫佢收線。」他口快快講完「老公」兩個字之後，似乎覺得唔多對路，隨即笑住咁補鑊：「佢未結婚嘛……哈哈！」而胡定欣亦有幫口「你唔好亂咁講」，之後黃智雯重返直播間，大家都好有默契只講新劇，而未有提及對方已婚一事。

圖片來源：Instagram