山姆超市吸引肥媽趕潮流大手入貨 狂掃三大袋呢樣嘢香港都有得賣

內地連鎖超市山姆近日成為港人熱門shopping點，以前就內地人嚟香港買名牌；依家就倒轉香港人去內地買消耗品。近日就連出名識慳識抵嘅肥媽（Maria Cordero）都趕上潮流去掃貨。

同場加映：  念丨陳蕾硬朗性格源於家庭背景 走出迷惘期以真性情贏得掌聲

{{hket:ul-video id="9910"}}{{/hket:ul-video}}

肥媽今日喺社交平台post出佢同兩大車戰利品嘅合照，留言：「滿載而歸，再唔走要買多兩車。」見到肥媽車上咩都有，佢自己就喺限時動態上表示自己買齊「油、鹽、醬、醋、茶」，片中見到，淨係食油都有兩大支，另外仲見到好多調味料同雜糧，不過最得意嘅就係，肥媽竟然買咗3大袋香港都買得到嘅面紙。有網民就為佢解釋：「呢隻紙真係好抵，質量同香港買一樣，但價錢就平幾倍。」

{{hket:inline-image name="417380679_975942827223026_1467710800065835823_n.jpg"}}{{/hket:inline-image}}

另一張相肥媽就攬住一隻大奶龍公仔，仲搣住佢嘅肚臍，非常kawaii！有網民問佢做咩搣肚肚，肥媽都大方回應：「因為佢個肚腩似我。」有人問到肥媽點搬返香港，佢就話自己咁啱上內地做嘢，不過肥媽都「呻笨」，因為佢表示本身唔知超市都有送貨服務，所以佢再想掃嘅話佢就會選擇網上掃再等掃貨。網民都大讚肥媽夠「潮」，不過都有人呼籲佢留港消費，振興香港經濟。

根據資料顯示，平均每月有500萬香港人人次北上消費，港人在內地吃喝玩樂，已成為新常態。而內地連鎖超市山姆，近日成為港人熱門「蒲點」，唔少人到該店搜購美食、日用品，花費以千元計，非常狂熱。讚山姆抵玩抵食嘅評論多，不過近日都開始有反映，山姆超市嘅「地雷」都唔少，大家要去掃貨，記得要做下資料搜集，做個精明消費者喇！

圖片來源：Facebook