中年好聲音2丨劉可曾為唱歌奔波累壞身心聲帶 參賽贏盡友情 望舊歌新唱永續傳奇

《中年好聲音》第二季參賽者被形容位位都臥虎藏龍，36歲的劉可憑實力唱功被視為三甲人選大熱之一，他坦言比賽意外收穫到是所有參賽者真摯的友誼，以及粉絲的愛戴。對最終賽果的名次，反而不太在乎，劉可稱只想盡力做好每次演出，為曾經放棄唱歌的自己一個交代。

{{hket:ul-video id="9937"}}{{/hket:ul-video}}

劉可本身大學修讀聲樂出身，亦做過全職歌手四出演唱，今次參加《中年好聲音》以為他定必駕輕就熟，沒想到原來他心情都會非常緊張，「我之前冇參加過咁大型公開比賽，海選已經好緊張，面都青埋。後來入埋108強，要等撳燈再轉舞台真係好驚，慢慢熟悉咗啲人同舞台環境，往後階段先開始冇咁緊張。始終大學畢業返香港都係從事音樂和娛樂工作，不過生疏咗好多年，要搵番以前感覺，可能冇咁快。」

{{hket:inline-image name="JH.JPG"}}{{/hket:inline-image}}

{{hket:inline-image name="GH.JPG"}}{{/hket:inline-image}}

{{hket:inline-image name="YH.JPG"}}{{/hket:inline-image}}

中年好聲音2│劉可浮誇唱法被批累死隊友出局 朱博文親入討論區留言為老友平反【下一頁】

劉可雖然過往都有多次亮眼的高分表演，不過仍然偶然收到評判或者觀眾對他的批評，他認為比賽從來冇想過幾多燈、幾多分，只希望盡量不要犯大錯誤，就已經是對自己最大的交代。「大家話我表情造作或浮誇，可能係唔明白，因為我大學選修聲樂，口腔運用較多上顎力量，要發音做到一定要求就要咁做，始終咁多年累積咗，唔可以一下子話變就變。我亦都唔太理某啲評判講嘅說話，始終自己都有個客觀判斷。」

劉可的專業演出，為他帶來可愛的花名「牛河」之餘，亦令他成功吸納到不少「可粉」，他自認性格是「慢冷」不是慢熱，幸好得到部分觀眾的認同，而且參賽者之間關係好到似大家庭一樣，絕對是意想不到的收穫。「我哋班參賽者好多私下聚會活動，唔會因為比賽就大家之間有敵意，互相叫大家加油，呢份情係好真摯，絕對冇爭鬥。」

中年好聲音2丨車婉婉賀壽生日會不慎洩露15強名單 伍仲衡爆將有「穿透」19分高分【下一頁】

{{hket:inline-image name="photo-24.JPG"}}{{/hket:inline-image}}

{{hket:inline-image name="photo-28.JPG"}}{{/hket:inline-image}}

{{hket:inline-image name="photo-30.JPG"}}{{/hket:inline-image}}

劉可曾經做過全職歌手一段日子，在不少公開活動獻唱，在網上都見到相關的影片，到底為何當年一度放棄唱歌這條路？他說：「我諗係當時有種即食文化，比較多接堂會或者康文署活動，有時會去酒樓接騷或者總會，喺嗰個環境浸出嚟，都玩咗好多年。香港環境嘅關係，好多畀錢睇現場演出嘅人大多數係4、50歲，我得20幾歲但要準備好多老歌，為個市場去練習，辛酸呀，唔可以唱自己鍾意嘅，不過就係因為咁，我學到好多前輩嘅好歌，建立一個深厚嘅歌庫。（點解放棄？）當時一晚走兩、三場不斷跑，係累積到好多經驗，不過咁樣踩法，真係太攰，把聲都冇晒，係體能同聲帶冇辦法應付嘅工作量，負荷唔到，就算幾唔捨得都要放棄。」

隨後劉可約十年前轉工，放棄跟音樂或娛樂相關的行業，轉做本地旅遊，亦有做燈光幕後製作，不過熱愛唱歌的心仍然不減，「今次參加比賽，抱住玩嘅心態，一來想睇吓自己隔咗咁耐仲剩低幾多，二來係對自己當年一個交代。你話之後做唔做歌手或者點樣......我就真係冇諗到咁遠。」劉可表示內地很多歌唱節目相當成功，他都希望在《中年好聲音》能夠留下好的作品，「呢種節目有種魅力喺度，你只要敢去做，用全新方法演繹，同唔同音樂底子重新演繹老歌，二次甚或三次創作，以全新面目展現出嚟，我覺得係一件好事。喺現有環境入面可以做到呢樣嘢，無論將來有冇屬於自己嘅歌或者音樂會，希望呢一刻喺呢個節目可以發生。」

{{hket:inline-image name="KL.JPG"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：何家賢、陳健珊
撰文：楊安莉