中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

「鄭梓浩，我哋支持你！」在軟硬天師《廣播道Fans殺人事件》中的一句歌詞，沒想到30年後成為《中年好聲音2》鄭梓浩的粉絲口號，當年樂壇盛世要突圍不容易，無奈之下放棄一切隨家人移民新西蘭。鄭梓浩坦言移民生活絕不好受，慶幸是對唱歌的熱情未減，今次回流香港參賽，再次手執咪高峰獻唱經典廣東歌曲，絕對是無悔人生的決定。

{{hket:ul-video id="9876"}}{{/hket:ul-video}}

鄭梓浩早於1991年出道成為歌手，推出過《孤單的我》、《假裝的輕鬆》等歌曲，雖然談不上大紅大紫，但他的名字印在不少樂迷的心目中。「我出道嗰陣最勁係王傑，公司覺得我成日唔笑又怕醜，就叫我做憂鬱小生！人設係憂鬱，所以唱嘅歌都比較慘情，同屆新人有鄭伊健、林志穎等等。林志穎呢個小旋風就勁喇，我哋一齊競逐新人獎，仲記得大家輪流唱歌，我自我介紹時，都未講到個鄭字，佢下一位出場，全場已經瘋狂尖叫，根本大家都聽唔到我個名！」他坦言當年只有23歲，難免會失落不開心，但現時回想起作為三、四線樂壇新人，能夠在樂壇黃金時期出過唱片，就已經無悔了。

{{hket:inline-image name="photo-24.JPG"}}{{/hket:inline-image}}

{{hket:inline-image name="photo-22.JPG"}}{{/hket:inline-image}}

《流行經典50年》鄭梓浩移民新西蘭搞美容生意 回流香港51歲中佬再闖樂壇【下一頁】

鄭梓浩笑言不少人因軟硬天師的《廣播道Fans殺人事件》歌詞而記得他的名字，「當時我哋都係新藝寶唱片公司，佢哋出呢首歌嗰陣，咦，發現自己個名喺入面，有啲歌手認為係褒，亦有人認為係貶，我反而覺得被貶又如何，人哋提到你，代表心入面有你呢班人，起碼至今大家記得呢首歌，仲記得入面鄭梓浩呢個人。」

逗留樂壇僅僅幾年時間，鄭梓浩1996年自覺苦無發展，加上家人決定舉家移民，他都無奈放下夢想，移居到新西蘭落地生根。「我去到嗰邊，都冇諗自己身分，照樣去打工搵錢，去菜店賣菜。每日凌晨五點半起身，企喺路邊等老闆接我，然後攞貨、搬貨再返公司洗菜，洗菜洗到雙手損晒，移民生活一啲都不好受。」鄭梓浩在當地開過幾家不同的餐廳，又開過髮廊，後來建立自己的事業，現時從事營養品直銷生意，總算生活穩定，可以中年放膽追夢，「小朋友開始長大，既然仲有僅餘嘅青春，圓夢嘅同時，睇吓有冇多啲嘢可以做到，呢個年紀再唔去做，僅餘青春唔知仲可以等幾多年。」

{{hket:inline-image name="photo-17.JPG"}}{{/hket:inline-image}}

{{hket:inline-image name="photo-21.JPG"}}{{/hket:inline-image}}

{{hket:inline-image name="BRIAN1.jpg"}}{{/hket:inline-image}}

{{hket:inline-image name="2683ff0b-116e-4ea0-b1e5-e20bfd0e55d5.jpg"}}{{/hket:inline-image}}

中年好聲音2丨兩碟歌手鄭梓浩靠抖音練歌？ 與《18樓C座》祥嫂有親：睇住我大【下一頁】

鄭梓浩坦言欣賞《中年好聲音》的吳大強，力證追夢無分年齡、無分時間和地點，「咁多年我可以話自己好似同音樂談戀愛咁，一直都熱戀中，只係呢團火喺現實生活真係用唔到。參加《中年好聲音2》，畀我有機會唱好多經典廣東歌曲，好多陪伴我長大耳熟能詳嘅歌曲，唯一遺憾係我比賽仲係比較緊張。我冇諗過要爬得多高，甚至連淘汰嘅致謝詞都已經諗好，已經冇任何遺憾，走到今日比我預期中得到好多，今次只係想透過比賽，將我人生呢本書翻多幾頁，將來做唔做歌手？如果有人喜歡聽我唱歌隨時搵我，我唔知點定義一個歌手，但我絕對係好鍾意唱歌嘅歌者。」

{{hket:inline-image name="photo-9.JPG"}}{{/hket:inline-image}}

{{hket:inline-image name="photo.JPG"}}{{/hket:inline-image}}

{{hket:inline-image name="photo-16.JPG"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

 

攝影：何家賢、陳健珊
撰文：楊安莉