黃智雯加盟公司做朱茵 蔡少芬師妹 羨慕兩位美魔女師姐保養得好

上月跟無綫約滿的的黃智雯（Mandy），離巢不久已有新動向，她宣布正式加盟「凱藝娛樂」，成為朱茵和蔡少芬（Ada）的同門師妹，日前Mandy為新一年拍攝造型照，對於加盟新公司大叫興奮，表示抱正面開放態度，迎接新挑戰。

同場加映：中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

{{hket:inline-image name="22.jpg"}}{{/hket:inline-image}}

踏入2024年，Mandy即有新動向，回首過去的2023年，對她來說的確是特別的一年，成為人妻，身份改變，亦因這個身份變化，令她深感要展開人生的新階段，她說：「好想突破自己，跳出框架，嘗試一啲以前未試過嘅嘢！好多人問我係咪會去演多啲舞台劇，當然舞台劇喺我呢兩年嘗試後，畀到我另一種滿足感，我都想繼續開拓舞台劇上嘅自己，不過我覺得自己有更加多可能性，好想同多啲唔同嘅演員合作，多啲火花，對電影、綜藝節目、真人騷等所有嘢抱開放態度，以樂觀、開放，迎接新挑戰！」

{{hket:inline-image name="2.JPG"}}{{/hket:inline-image}}

萬千星輝頒獎典禮2023丨唐詩詠黃智雯離巢被飛出視后十強 自由身無阻《新聞女王》佘詩曼李施嬅爭后【下一頁】

胡說八道演唱會丨李施嬅首次與未婚夫Anson同框 健身教練變迷弟捧場High爆跳舞【下一頁】

加盟新公司跟朱茵和蔡少芬作為同門，Mandy笑言跟她們早有淵源：「佢哋兩位真心係我好欣賞嘅藝人、女神，其實我哋三個不約而同有相同之處，我同Ada都係香港小姐出道，佢係我師姐，朱茵就係我演藝學院嘅師姐，所以我哋有啲淵源；佢哋又係偶像派，又係女神，非常期待將來我哋可以有更加多合作火花。」而作為兩位美魔前輩的同門，Mandy坦言會有好大壓力，她說：「點解佢哋兩個可以keep得咁好、咁靚，我自己都要繼續努力學跳舞同唱歌，令自己更fit，keep更好狀況。」

這次新動向，老公和好姊妹給予很大支持，Mandy表示：「一步一步走來，佢沿途都畀好多意見，我覺得佢係一個好聰明嘅人，成日都會幫我分析，亦係好好嘅聆聽者及心靈伙伴；而姊妹們更加係唔使多講，我哋姊妹間無論大家有咩決定、有咩去向，都會在心中互相支持。」此外，有網民對於Mandy早前「離巢」很傷感，她感激所有支持她的人：「唔使傷感，我仲喺度，好多謝大家喺社交平台留言支持及祝福，每一留言我都有睇，好感動。」

撰文：娛樂組

圖片：大會提供

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】