旁觀者｜尹詩沛靠王敏奕「鞭策」一個月勁減十磅 吳珮如演抑鬱角色減食量：希望睇落憔悴啲

由周柏豪、王敏奕、吳若希、羅天宇、馬貫東、連詩雅、胡蓓蔚主演的TVB劇集《旁觀者》於 昨晚 （1 日）首播，第一集已開出兩個重要個案-「耐人尋味櫃中藏屍」及「酒吧姦殺墮樓事件」，單元主角分別是飾演Carol的吳珮如及Nana的尹詩沛，兩位演員均讚角色有發揮兼有突破。

同場加映：中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

Carol與丈夫譚偉文（黃嘉樂飾）離婚後生無可戀，但為顧全面子只能對人歡笑，看似燦爛的人生其實零知己，最終 Carol 因意外被困櫃子選擇放棄掙扎自殺，結局令人唏噓。Carol 個案特別之處， 是女警姚自如（阿魚，王敏奕飾）調查期間因運用了自身的高敏特質，能對 Carol 臨死前的處境感同身受，為了凸顯阿魚的代入，鏡頭交叉剪接吳珮如與王敏奕穿著同一服飾、以同一情緒做同一件事，手法特別。

{{hket:inline-image name="8968.jpg"}}{{/hket:inline-image}}

敏奕及珮如受訪時，異口同聲指相關場口好玩又難度高。王敏奕說：「拍攝過程的確唔容易，對演員甚至導演嘅挑戰都好大，但真係非常好玩！通常都係個案主角先做一次，然後再到我重演，咁樣製作上的確會花好多時間，但大家睇回放時 都覺得好過癮，因為喺電視好少見到呢種拍攝手法。」敏奕更笑言由於其參與場口不少，《旁觀者》是其入行以來「瞓得最少」的一套劇。珮如則說：「今次角色 都幾大挑戰，演繹自殺嘅角色都係我做演員嘅 Bucket list 之一；我仲記得拍自殺場口當日係我生日，所以更加難忘。呢個角色難度在於首先要諗好多唔開心嘅嘢 令自己進入狀態，而為咗配合角色抑鬱嘅特質，拍嗰陣我盡量都食得好少，拍攝 當日更加係咩都冇食淨係飲水，希望睇落清減啲憔悴啲。」珮如亦指與敏奕合作很開心和合拍：「我同佢每一take之後都會鑽研返個 Playback，睇吓點樣可以做得更加同步同好睇，我哋落咗唔少心機喺啲detail位度，希望觀眾會睇到。」

{{hket:inline-image name="98789.jpg"}}{{/hket:inline-image}}

{{hket:inline-image name="66.jpg"}}{{/hket:inline-image}}

詩沛亦同樣甚有發揮，其飾演的 Nana 是 Café 老闆王覓希（周柏豪飾）常客之一，每次出現均濃妝艷抹兼滿懷心事，昨晚一幕詩沛邊吃沙律邊啜泣、以及看到雪糕後嚇至面容扭曲兼歇斯底里的狀態更是演技考牌作。除了演技，詩沛是次造型亦甚為亮麗。談到今次角色顏值大躍進，詩沛笑言全靠王敏奕的「隔山鞭策」，令她在一個月內成功減掉十磅：「一開頭監製阿細已經話我同敏奕會著同一套衫、做同一場戲，阿細話我唔會話你肥，不過你同敏奕著埋同一 套衫，就睇吓你會唔會嫌自己唔夠瘦喇。嗰陣我都有一個月去追番敏奕個進度， 希望出到嚟畫面可以靚啲。（總共減咗幾磅？）十磅左右，都係靠健康飲食同做運動。 」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供