《叱咤流行榜頒獎禮典禮》昨晚（1日）舉行，尹光、王君馨、泳兒、JW（王灝兒）、吳業坤和姚焯菲等人捧蛋坐足一晚，而入行22年的張敬軒就頻頻上台得獎，更相隔10年再奪得「我最喜愛的男歌手」。今次有4 位MIRROR成員做勁敵，算是險中求勝。張敬軒事前都努力出街拉票，完活動接受訪問表示今年要再努力做歌，真正做到實至名歸。後台慶功宴上，張敬軒跟陳卓賢密密斟，莫非已有新大計合作？
同場加映：中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生
今年張敬軒的對手有盧瀚霆（Anson Lo）、陳卓賢（Ian）、姜濤和尹光，強手之中張敬軒為王，他接受訪問時表示心情激動又開心，嘆謂這幾年來要得這個獎實在不易，自己事前有如區議員「落區」拉票，他笑言都幾有效：「上次我幫人買咗水銀血壓計，但去到銅鑼灣站已經爛咗，下次要Upgrade會轉做電子血壓計，做多啲利民措施。」
2023年度叱咤樂壇流行榜頒獎典禮丨 尹光坐足一晚食白果輸張敬軒 陳蕾破紀錄掃4獎成為大贏家【附完整得獎名單】【下一頁】
2023年度叱咤樂壇流行榜頒獎典禮丨 姜濤克服去年叱咤陰霾賣力跳唱 炎明熹新造型稱第一次「露咁大...」【下一頁】
79歲的尹光畀足面參加賽事，而且昨晚亦有到場坐足一晚，張敬軒提及這位前輩其實一早已經讓賽：「光哥有打畀我，話投咗我一票。其實今晚有佢，覺得氣氛好玩好多，以往得我一個對住MIRROR要好審慎，今年有光哥陪我，覺得風險溝番淡。」他認為今次自己能勝出，亦有賴一些「游離票」，因為有一些歌迷的心水歌手未入圍，所以把票投給自己。
回顧相隔10年再奪獎，張敬軒有感而發，覺得自己曾經與這個獎項距離好遠，在這段日子內，自己都經歷不少高低潮。林海峰頒獎時，形容他為「前浪」，張敬軒覺得最緊要自己仍是一個「浪濤」，在低潮時，自己都曾感到氣餒，尤其在迷失時會去睇討論區，接受批評作參考。」今次得獎後，他都不敢辜負一班投票給自己的歌迷，表示得獎後從新開始，承諾今年會勤力做歌，要做到實至名歸。
至於同樣在頒獎禮獲得好成績，雙料冠軍分別得「我最喜愛的女歌手」和「叱咤樂壇女歌手金獎」的陳蕾，同時亦得到「叱咤樂壇唱作人銀獎」，她跟張天賦接受訪問時表示，自己拎「唱作人」獎項時心情特別激動：「呢個身份對於一個歌手嚟講係好重要，呢個係大家對我嘅肯定。當時上到台一片空白，要慢慢用理性壓過情感唱歌。」對於下一個目標是否追趕「至尊歌曲大獎」，她說：「呢樣太遙遠，而家已經好滿足。」得到「叱咤樂壇男歌手銀獎」的張天賦，大家屬同一間唱片公司，笑謂陳蕾要請食飯，最後傾好一人請一餐，皆大歡喜。
撰文、攝影：娛樂組
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】