倪晨曦Deep V到肚臍似着假胸肌衫 網民召喚張敬軒再Cosplay倪黃昏

國際時裝品牌LV於尖沙咀星光大道舉行時裝秀，雲集中港台、日本、韓國、法國等世界各地紅星。韓星宋仲基、Stray Kids的Felix、日本歌手平野紫耀等，台灣代表林柏宏、劉以豪；以及內地小生還龔俊、白敬亭、王鶴棣、朱一龍、男團時代少年團陸續現身。本地代表則有周潤發與太太陳薈蓮、郭富城、古天樂、張敬軒、林嘉欣、沈月、倪晨曦、MIRROR成員盧瀚霆、陳卓賢、呂爵安、劉俊謙、朱鑑然、Tyson Yoshi、林家謙、Marf@COLLAR、陳凱詠、魏浚笙等多名藝人陸續登場，不過講到性感之最必定係中門大開嘅倪晨曦。

同場加映：  社內相親丨盧瀚霆點評呂爵安陳漢娜邊個好嘴 Edan除衫激戰沈殷怡：唔知點樣錫

{{hket:ul-video id="9642"}}{{/hket:ul-video}}

倪晨曦以超低胸裝示人，領口位開到去肚臍，仲可唔可以叫領口位？倪晨曦嘅裝束睇到都驚，因為睇落以大動作少少都會隨時走光，更加係佢入行以來最性感一次。呢件衫同時係一件頭「泳裝」，下身係高衩泳衣咁，再配上黑絲，真係少啲型格都carry唔到！唔少藝人都留言大讚佢「hot」，仲話係得佢先可以着出呢個味道：「件衫好正，全場焦點，萬眾矚目！」倪晨曦都怕醜表示：「到底線啦。」

{{hket:inline-image name="5.jpeg"}}{{/hket:inline-image}}

另一個焦點就係倪晨曦嘅身材，由於胸前太少布，着呢件衫必須真空上陣，一向都唔太豐滿嘅倪晨曦心口就好似着上咗隻胸肌衫一樣，好唔真實，似足之前張敬軒網上綜藝節目《軒公敲碗Special》着上嘅樽領衫假胸肌衫，當時軒公大讚假胸肌衫嘅肌肉同啲接駁位都做得好好，着咗上身見到咁多人萬眾期待嘅眼神，真係好似赤條條咁，非常尷尬。

有網民留言召喚張敬軒：「軒公可以考慮著呢件泳衣。」事關之前張敬軒都扮女人「高八度」有舖癮，又都試過以「倪黃昏」自居，cosplay倪晨曦，仲話對方係佢「異父異母嘅細妹」 ，的確係有啲似樣，非常搞笑！相信大家一定好期待軒公再次「破格」演出。

圖片來源：Instagram