張建聲與嫩口「PTGF」譜父女戀 女友曾公開指控許廷鏗「𡁻完鬆」？

張建聲2012年因拍電影《一路向西》而彈起，近年活躍於電影圈。形象花弗嘅佢當年同前女友陳嘉莉拍拖時屢傳偷食，而分手之後就再冇緋聞，原來40歲嘅佢一年多前已經同嫩口新歡譜出父女戀，日前佢post錫錫相認愛，仲好似情竇初開嘅男仔咁，不停曬小女友。

同場加映： 黃心穎「安心」挫敗留陰影改自駕 否認爬馬國明頭結婚：可能係淵緣

{{hket:ul-video id="9805"}}{{/hket:ul-video}}

張建聲於IG發文並上載4張甜蜜照認愛，女友曾嘉晴（Angel）只得24歲，細張建聲足足16年。張建聲「生得佢出唔怕認」，對大家指佢哋係父女戀都好welcome，更順便自爆二人相識經過：「其實我一早已經係佢爸爸，喺電影《PTGF出租女友》佢又真係演我個女嘅，我哋就係咁樣認識，之後隔咗一年後喺緣份嘅驅使下偶遇番！」

{{hket:inline-image name="23.JPG"}}{{/hket:inline-image}}

張建聲十足少男一樣，不停公開肉麻冧女友：「其實我哋拍咗一年半㗎喇，佢得得意意肥嘟嘟食得瞓得成日嗌肚餓又成日扭計，不過好識諗又就到我，又容忍到我已經好感恩啦。」Angel又於限時動態分享張建聲為佢拎手袋影片，留言指：「乖乖小綿羊好QQ，馴服成功，好純真嘅眼神，已經搵唔返當初好招積嘅佢。」更轉發張建聲的貼文，指係男友主動宣布戀情：「原本仲鬧緊佢一路行市集一路撳手機，好啦，原來係你偷出Story，下次建議畀我P咗先。」其實二人拍拖早就有跡可尋，情人節時Angel曾Po出畢業照，但就用emoji遮男友樣。

Angel本身係工展小姐，IG亦有大量性感照，豐滿身材加埋青春可人吸咗唔少followers。Angel係電影《#PTGF出租女友 》主角之一，戲內佢演「學生妹君怡」，而佢嘅代表作就係曾經喺許廷鏗IG「留言」。前年十月Angel IG撞入許廷鏗直播，指對方背女友偷情，更搞大佢個肚，要求對方公開二人情侶關係。不過Angel事後喺社交平台出聲明，並指當時留言嘅唔係佢本人，自己多次被冒認兼抹黑騷擾，佢已經報警處理。