MIRROR演唱會受傷舞蹈員丨李啟言四肢無法活動康復只欠一條件 爸爸讚So Ching貼心不離棄：一星期嚟6日

MIRROR演唱會因大型屏幕下墜而擊中受傷的舞蹈員李啟言（阿Mo）的爸爸李盛林牧師，事隔一年再於聖誕前夕接受香港電台第一台《舊日的足跡》訪問，講述兒子最新的健康進展，並為他許下聖誕願望。阿Mo出事後，李牧師為了鼓勵兒子而剃光自己的頭髮，承諾待阿Mo健康好轉才讓頭髮長出來。他於去年聖誕節受訪時，頭髮只有3毫米長，今次重臨港台訪問，頭髮已留長到15毫米，足證阿Mo過去一年的身體狀況有所進展。

同場加映：黃心穎「安心」挫敗留陰影改自駕 否認爬馬國明頭結婚：可能係淵緣

{{hket:ul-video id="9850"}}{{/hket:ul-video}}

So Ching激罕透露男友李啟言近況 被問有冇同「佢哋」聯絡咁樣答？【下一頁】

{{hket:inline-image name="rg.jpg"}}{{/hket:inline-image}}

{{hket:inline-image name="9_600.jpg"}}{{/hket:inline-image}}

{{hket:inline-image name="01_600.jpeg"}}{{/hket:inline-image}}

{{hket:inline-image name="12_600.jpg"}}{{/hket:inline-image}}

李牧師稱兒子現時仍然保持短髮，因為較易護理。「佢好開心每星期有兩次沐浴和洗頭安排。不過，由於佢四肢無法活動，每次清潔都很大陣仗， 需要三位護士幫助。」李牧師指，自從阿Mo拔掉喉管後，說話和進食已完全沒有問題。「佢講說話流利清晰，飲食都同我哋一樣，但由於胸肌仲未恢復，要小心進食，怕嗆口而咳嗽，就唔可以食佢最喜愛嘅麻辣食物。」

他提到阿Mo的醫療進展：「而家每日都喺中大醫院接受連串康復治療，早十晚六，中間有兩個鐘時間休息。佢經常咬緊牙關去鍛煉，即使治療師叫佢休息，佢都要求做多一陣，相信呢個就係舞蹈者嘅鬥心同鬥志。教授同醫護人員都讚佢不斷咁堅持鍛煉，令自己變得更結實強壯。」然而，阿Mo的頸椎神經仍有水腫和神經疤痕，阻礙了神經傳遞。

李牧師表示，醫生專家對如何改善仍未有確定的方案，但他們一直進行研究，亦有醫療人員指從未見過像阿Mo這樣的進展。此外，醫院還特別訂購了許多復康儀器，若在阿Mo身上奏效，就能開放給其他有需要的病人使用。猶幸阿Mo受傷的第四節頸椎以下的神經全部都沒有萎縮，跟上面的頸椎神經一樣粗壯。李牧師坦言，現在只欠東風，一旦能夠傳達神經訊號，阿Mo就可以活動起來。

MIRROR演唱會墮屏事故｜阿Mo以外23位舞蹈員全為舞館求情 So Ching以兩字回應惹無限揣測【下一頁】

李牧師也談到阿Mo留院的心情。「佢一直都比較含蓄，只會微笑表達開心，但當女朋友（蘇芷晴So Ching）嚟到，佢笑容就唔同晒，笑得非常甜。So Ching經常探佢，每次至少逗留幾個鐘，一個星期都會嚟六日，逢星期日就全日留喺醫院陪伴。我哋都會協調，如果佢喺度，我哋就會離開一陣。」李牧師續指，醫護人員都大讚So Ching是一位非常特別的女孩，以他們的經驗，這樣的情況下一般人的關係大約只能維持三個多月，但So Ching仍堅持相互扶持。被問及可有想過So Ching是如此貼心的女孩，李牧師坦言起初不太認識對方，「好多人會認為舞蹈界同娛樂界， 感情可能只係『玩玩吓』，但經過呢件事後，我改觀咗。當然，我唔會畀壓力佢哋。佢哋之間點樣互相扶持同體諒，都由佢哋自己去決定。」

被問到李澤楷有否再來探望時，李牧師解釋院方不希望外人來探訪，因為擔心阿 Mo會受到新冠病毒和感冒菌的感染。一旦患上肺炎，情況將非常棘手，甚或會前功盡廢。「李先生冇再嚟，我知道佢應該從旁留意住。我聖誕願望係醫療專家能夠搵到前進嘅道路，而家佢哋能掌握嘅係先將阿Mo訓練成一個健康嘅人。而家阿Mo身體四肢比一個唔做運動嘅人仲要健康！所以我一直強調：只欠東風……」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組