不正常愛情研究所丨TVB男主持患癌化療狂甩頭髮剃光頭 爆抑鬱想過自殘：我人生幾坎坷

TVB J2節目《不正常愛情研究所》主持之一文頌男日前在社交平台自爆不幸患癌，早前在椎間近盤骨附近位置生了惡性腫瘤，現正接受治療。自從他公開病情及眾籌醫藥費後，得到各界的關心和捐助，文頌男雖然治療過程辛苦，但都不忘出Po或者開直播，答謝大家的支持和鼓勵。由於現正接受化療，文頌男因狂甩頭髮的關係，決定剃光頭示人。

同場加映：黃心穎「安心」挫敗留陰影改自駕 否認爬馬國明頭結婚：可能係淵緣

{{hket:ul-video id="9850"}}{{/hket:ul-video}}

不正常愛情研究所｜文頌男椎間近盤骨發現惡性腫瘤 劇痛化療全面停工眾籌醫藥費【下一頁】

{{hket:inline-image name="314915089_175594168393122_7564603289405207532_n.jpg"}}{{/hket:inline-image}}

{{hket:inline-image name="315233063_455567016700648_4785870827654342799_n.jpg"}}{{/hket:inline-image}}

文頌男拍片說：「大家好，我係文頌男Koba，而家同大家Update一下近況，大家見到呢我已經光咗頭，前幾日去咗剃頭，因為做化療甩好多頭髮，日日都有，好唔方便所以索性剷晒佢！近排收到好多留言，畀好多飲食上建議同鼓勵，多謝大家，我全部都有睇，我會努力同正面面對呢個病，收到一啲朋友款項，好多謝你哋，真係受寵若驚，完全冇諗到有人響應去畀款項我，我會好好利用呢啲款項，用喺治病同生活上開支。多謝你哋！」

文頌男今日養病在床，但都開直播跟大家傾偈，他透露現時癌症屬初期，沒有擴散，大約是一至二期，不過康復最少要一年多，「化療都幾辛苦，唔知點形容，但講唔出嘅周身唔舒服感覺5。」他被問到讀書期間的事，文頌男坦言大學生涯因情緒問題而非常沉鬱，「我係讀雙學士，當時情緒抑鬱，唔想去中學實習，我直情想放棄教育學士學位，只留一個藝術科學位，但Supervisor就勸我唔好放棄，去中學實習前一日我真係想割脈放血，就算死唔去，都重傷唔使去教書......當然最終冇做到，好唔開心咁去咗間學校，全程都要收埋情緒扮冇嘢，照樣準備好教材去工作，唔想麻煩到人，亦唔想浪費班學生時間，但每次到休息時間或者放工就好想死。」文頌男坦言：「其實我成個人生都3幾坎坷，難關係無休止咁出現，家人朋友都幫唔到手，所有嘢靠自己，今次唔知捱唔捱得過，捱得過之後又有更大嘅難關，都唔知點面對。」

不正常愛情研究所│主持爆好友被戴綠帽狂派花生 第三者係知名男歌手一估就知？【下一頁】

文頌男透露曾經被娛樂公司欺騙，不過詳情就不想多提，他坦言希望繼續可以做幕前工作，暫時剃光頭「放飛自我」沒有形象，「我好想唱主題曲，唱《不正常愛情研究所》主題曲，畀我唱啦！或者拍一啲綜藝節目，好似《膠戰》咁，玩好癲嗰種！網友話而家都重播緊《不正常愛情研究所》？咁咪好似亞視咁，不斷重複又重複，咁少節目播咩？」而他表示多得大家的捐款，他特別小心處理，因為擔心現時的治療沒有效的話，他就要花錢買特別的藥，而最終他更搞笑說：「如果大家想要個癌症男友，就DM我啦！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組