《愛回家》龔水終合體惜未有歸期 張景淳為生意狂食面珠進「脹」

《愛回家之開心速遞》中，龔水CP一向深受觀眾歡迎，不過飾演龔燁的張景淳近日鮮有在劇中露面，劇情更交代他出埠而未能跟老婆熊若水（呂慧儀飾）如膠似漆的婚姻生活。昨晚是TVB舉辦《無綫節目巡禮2024》，招呼超過800位廣告客戶到場欣賞來年推介的新節目，雖然《愛回家》長做長有不在列表中，不過演員們都大受客戶歡迎，爭相跟「龔水CP」郵集打卡。

同場加映：我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作

{{hket:ul-video id="9406"}}{{/hket:ul-video}}

愛回家丨龔燁慳家搭巴士由屯門去深圳灣 張景淳被認出獲讚：有啲似鄭伊健【下一頁】

{{hket:inline-image name="ks.jpg"}}{{/hket:inline-image}}

{{hket:inline-image name="DSC03345.jpg"}}{{/hket:inline-image}}

張景淳在《愛回家》劇情已經久未露面，加上《愛回家》每月一次的宣傳都已經連續缺席兩次，不少粉絲都大為憂心，好期待兩人再次合體，張景淳說：「有掛住呀，好多粉絲見到我都話好想睇龔水，咁我都好想畀龔水佢哋睇！」呂慧儀說：「頭先啲客戶捉住我哋影相，開心佢哋好鍾意我哋。」呂慧儀和張景淳分別投身教育、健身及飲食業，問到會否請教生意之道，他們均表示只是生意初哥，仍然在努力學習中。

{{hket:inline-image name="IMG_4847_600.png"}}{{/hket:inline-image}}

{{hket:inline-image name="11_600.jpg"}}{{/hket:inline-image}}

有指張景淳在巴士睡著被偷拍一幕，全因兼顧內地小食店生意疲倦所至，他表示：「勞力上的確係攰，有機會咪休息一下，好彩當日巴士算比較多人，旁邊又有乘客，我就坐得比較端正，如果平時冇人就會瞓到歪晒流晒口水。如果下次真係見到我瞓著，而又想合照嘅話，我唔介意你拍醒我，我整理吓口水、捽走眼屎，就會同大家影。」他表示自己向來都不會拘束，若非生病都不會戴口罩出街，「如果冇梳頭就會戴帽，但如果當日有整理好，唔會特別避忌，平時我喺屋企附近買嘢食都係街坊裝，可能性格比較不拘小節。」景淳承認自己是屯門友，所以並不是跟呂慧儀同居，但屯門有任何不清楚的地方都會問「地膽蟹」、「屯門Guide」呂慧儀。

《愛回家》龔燁投資健身室試當真 張景淳又搞生意做Gym做埋股東【下一頁】

提到景淳面圓圓似乎有點發福，他緊張笑言：「死喇，我知今日節目巡禮，前一日已經冇乜食嘢。做飲食生意真係食超越正常份量，我諗至少兩倍，我都有食消脂保健品，真係幾有效。但無奈我見到有效就不斷狂食，食大咗個胃。」相反，呂慧儀日前一集跟接龍四美一齊著旗袍示人，身材弗爆，她笑言：「知道要著旗袍，即刻就阻止湯盈盈再食嘢，又同佢一齊帶飯，食得健康啲！其實冇特登減，只係盡量清淡少少，食嘢方面節制啲！」身旁的景淳即時讚對方要兼顧家庭、生意及工作分身不暇，已經消瘦不少。

至於網友最關注的，到底龔燁何時「回家」？他說：「盡快啦，要睇劇本點安排！」問到是否近日劇情較側重於後生演員戲份，而令他們出現得較少？呂慧儀說：「都會嘅，有啲後生觀眾鍾意睇關於佢哋故事，大家差不多年紀可能容易啲代入，我仲知道好多老人家鍾意睇大四喜，大家期待一下龔水再同大家見面啦！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組