周國豐擔任《中年好聲音》評判後,人氣急升,吸納不少粉絲,大家特別喜歡他跟伍仲衡鬥嘴的場面,顛覆以往他「老正」斯文的形象。周國豐跟伍仲衡每月其中一個「周五有周伍」YouTube 節目,他們會邀請嘉賓傾吓偈、唱唱歌,周國豐都大方談及當年他在香港電台的工作點滴,昨晚邀請到羅敏莊、李志剛及梁梓禧做嘉賓,幾位前DJ及現職DJ一輪嘴狂爆電台秘聞。其中,李志剛在一次《太陽計劃》游泳活動上,綵排時穿上白色泳褲,周國豐見到他嚴重走光,下令他立即要多加一條短褲才能夠開始活動。
同場加映:新聞女王丨李施嬅被斷錯症眼睛開手術後回不去 無奈接受被嘲整容:打坐學感恩
中年好聲音2丨周國豐連環曬濃髮鮮肉照獲讚 網民大愛:遲30年出道撼低班韓星【下一頁】
羅敏莊和李志剛節目一開始時已經大爆周國豐今非昔比,除了因《中年好聲音》爆紅外,連個性都變得不一樣,羅敏莊說:「佢以前真係好難相處,同我哋真係唔熟,講兩句突然間就走開,我形容以前個佢已經死咗,呢個係第二人生嚟呀!佢幾多嘢講,又搞笑,仲好識得玩社交平台。以前新年玩射龍門,只係出兩蚊都話唔好影相,真係好壓抑!」
周國豐解釋的確公務員身分令他有很多顧忌,如今無官一身輕就自然得多。他自爆:「你知唔知我連結婚擺酒所有收到嘅人情都要報畀政府,如果多過一個金額價錢,係要退番畀人呀!我唔記得個金額,應該有四位數不過好低嘅四位數!」
羅敏莊笑指周國豐個性悶蛋,不過寫字和畫畫都非常厲害,她踢爆當年電台工作時,完全感受到公司有不少的女士為周國豐爭鋒呷醋,非常厲害。周國豐承認自己的異性緣不錯,更大方重提當年跟利嘉兒的一段婚姻,「好多人問我離婚之後仲有冇拍拖,我覺得婚姻令我更認識清楚自己,婚姻之後有過過客出現,但冇拍過拖。(離婚係解脫?)其實我分開之後兩、三年時間唔敢去日本,因為有好多回憶,我同佢都鍾意日本,之前去過好多次。你話離婚係咪解脫呢?某方面啦,處理家庭關係上係解脫咗,呢個喺我哋婚姻當中係幾辛苦,不過結婚嗰幾年的確係真心鍾意對方。」
大家追問周國豐不再拍拖是否未遇上「真愛」?他表示:「而家我隨心,你問我而家容唔容易接受另一個人呢?而家真係好難,我已經冇乜落閘,但吸引力法則嘛,我個小宇宙唔諗呢樣嘢,平時自己同自己傾偈都幾好吖!」
中年好聲音丨周國豐任博愛副CEO推廣慈善服務 前助理廣播處長「中年轉跑道」【下一頁】
另外日前,周國豐和伍仲衡邀請到有「鬼王」之稱的潘紹聰擔任節目嘉賓,大談靈異經歷,潘紹聰經常主持深宵節目,原來電台界有兩首「禁歌」,其中一首是麥潔文的《夜夜痴纏》,而另一首是電影《風之谷》的音樂,他們大爆這兩首歌特別邪門,播完之後總有靈異事發生,所以一直大家都守住傳統不播。
立刻加入《晴報》WhatsApp頻道,獲取最新娛樂、健康及著數資訊,仲有送禮活動!
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文:娛樂組