中年好聲音丨周國豐任博愛副CEO推廣慈善服務 前助理廣播處長「中年轉跑道」

現年53歲的周國豐早前擔任無綫歌唱節目《中年好聲音》評判，冇mean爆評語，亦冇同其他評判「開火」，偏偏就令觀眾印象深刻。周國豐曾經喺節目中為譚詠麟《霧之戀》中「閃『爍』」一字讀音一錘定音，專業嘅佢深受參賽者喜愛同尊重，溫文爾雅嘅形象仲意外令佢吸咗唔少中年粉，「周老師」人氣上升。不過近日佢就「中年轉跑道」，為香港老牌慈善機構博愛醫院擔任副CEO一職，中年都真係仲有無限可能！

同場加映：中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:ul-video id="8223"}}{{/hket:ul-video}}

周國豐接受《晴報》專訪時表示，雖然獲博愛賞識及邀請，但佢亦同所有從公開招聘中入圍人士一樣，要經過正規嘅遴選機制，先至成為副CEO，當中周國豐要管理企業傳訊及籌募部、資訊科技部以及教育服務部，肩起為博愛中、西醫以及安老等社區服務進行推廣嘅重任，相信佢多年嘅經驗同人脈一定可以令佢工作如魚得水。

{{hket:inline-image name="2.jpeg"}}{{/hket:inline-image}}

周國豐這位前助理廣播處長，2021年因為母親健康欠恙而請辭，並於同年7月9日離任。然而母親身體日漸康復，周國豐開始留意有沒有新的工作機會，剛好無綫電視製作團隊有人同周國豐相熟，於是遊說他擔任正籌備的歌唱節目《中年好聲音》的評判，周國豐亦表示好感恩，參與節目之後有唔少人都記得佢。被問到會唔會再為第二季《中年好聲音》擔任評判，佢就表示無綫早喺季中已經同佢洽商，不過會唔會再擔任評判都要視乎到時節目嘅形式，亦要再同博愛方面協調。

今日第一日返工嘅周國豐表示仍在適應中，講到會唔會搞搞新意思搵《中年好聲音》一眾朋友Crossover博愛舉辦慈善活動，佢就話原來博愛本身都有搞「老年好聲音」畀一眾長者參加歌唱比賽，受訪都不忘幫博愛宣傳活動，新上任的副CEO認真勤力！

周國豐大學時期他亦開始接觸播音員工作，1989年參加全港學生暑期歌唱大賽，並獲得亞軍，1991年更奪得香港卡啦OK大賽冠軍，佢亦曾參加過TVB舉辦的第十屆新秀歌唱大賽。周國豐1989年經由面試成為了香港電台兼職唱片騎師，直到1998年正式當上全職香港電台員工。多年來周國豐主持過不少電台節目，例如《中文歌曲龍虎榜》、《輕談淺唱不夜天》、《晨光第一線》等。近年為了推動聽眾認識中國內地的音樂文化，負責廣播節目《國風國豐》。任職香港電台多年周國豐仕途亦相當順利，2000年初獲晉升為香港電台二台節目監製，2006年開始主理幕後行政工作，其後更再晉升為香港電台總監（電台），2020年9月再接任香港電台助理廣播處長（電台及節目策劃）一職。

撰文：娛樂組