Me&拍新歌《Eye to Eye》跳舞版MV曬足10個鐘 黃淑蔓：件衫穿窿嘅位置變黑晒

由「寰亞孻女」黃淑蔓（Feanna）、「籃球女神」譚旻萱（Mandy）和「長腿師妹」連家穎（Vian）組成的女團Me&，首支派台歌《Eye to Eye》掀起熱話，在韓國拍攝的MV火速登上YouTube熱搜榜，早前她們更在港拍攝跳舞版MV。

同場加映：新聞女王丨何依婷輿論聲中學會自我肯定 拒婚姻綑綁：最重要搵到內心平靜

{{hket:ul-video id="9746"}}{{/hket:ul-video}}

{{hket:inline-image name="DSC09128.JPG"}}{{/hket:inline-image}}

拍攝當日，Me&與團隊天未光便摸黑抵達拍攝現場，天一光就開始拍攝，她們在綠油油的大草地上，穿梭在粉紅色巨型道具中又唱又跳，還有八位女dancers走勻整個田徑場拍攝，充滿青春活力。烈日當空，她們一直拍到日落，拍了接近十小時，終於大功告成，滿頭大汗的Mandy憐惜Feanna，她說：「今日真係曬得好誇張，佢好似被人掉咗入叢林5日後搵番咁。」她們互望哈哈大笑，Feanna解說：「真係好好笑，今日個太陽真係好猛烈，天氣亦比我哋想像中熱，但我哋個個都著冷衫，就算我搽晒防曬都好，件衫穿窿嘅位置變黑晒。」Mandy補充：「唔只太陽光，加埋打燈，即係幾個太陽照住我哋。」Feanna續說：「我哋被紫外光浸透住，不過都好開心，好好玩，希望（皮膚）快啲褪色，快啲復原！」

雖然拍攝過程辛苦，但充滿美好回憶，Vian說：「好開心重回呢個宿營嘅地方，以前同朋友嚟過跳舞，今次係嚟拍我哋出道嘅歌dance version，對我嚟講係好深刻經驗，好開心！」貪玩的她在休息室的黑板上寫了「到此一遊」，被取笑「Y2MK」。第一次拍dance version，Feanna和Mandy異口同聲說：「我哋好少唔望鏡跳舞，『我哋』係唔包括Vian，哈哈！一開始有少少緊張，要慢慢習慣，拍到最尾我哋控制到表情到位。」她們笑言後來非常期待收工，私下將周杰倫的《說好的幸福呢》改成搞笑版《說好的收工呢》，Feanna說：「拍到有段時間我哋都好崩潰，所以就唱『怎麼了，我累了，說好的收工呢？』」非常搞笑！

{{hket:inline-image name="YIUM4925.jpg"}}{{/hket:inline-image}}

經常拍跳舞片的Vian，今次以女團Me&身分拍攝，她說：「平時我一個人跳，今次有你哋又有8個dancers一齊跳，有人陪感覺好開心。最難忘係我曬到皮膚敏感，Feanna曬到一撻撻，Mandy又熱到不停出汗。雖然好辛苦，但我哋互相支持，好開心。」Feanna說：「另一個挑戰係對鞋，我第一次著有踭嘅鞋跳舞，加上我隻腳好細，成日企唔穩。」Mandy無奈笑說：「我就相反，我超大腳，通常都差少少，夾到隻腳好痛。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】        

撰文：娛樂組
圖片來源：大會提供