金燕玲笑認貪圖照顧與蘇施黃戀愛 兩度離婚花5年時間接受同性戀

金燕玲接受衛詩雅YouTube頻道「衛食攻略」訪問，兩人在《不日成婚2》中飾演兩婆媳，在拍攝的過程中因而成為好朋友。金燕玲一邊享用美食一邊大方分享自己的感情生活，過往她有兩段婚姻，1976年與采蝶軒老闆梁廷斌，婚後定居英國，結婚5年離婚；1989年再婚同樣定居英國，育有一女，但最終性格不合，2005年離婚，她決定回港重投影視圈。金燕玲坦言離婚後，在香港努力工作接戲，目標向金像獎進攻，一直恨得獎恨到出面，全因為她需要有工作。

同場加映：社內相親丨盧瀚霆點評呂爵安陳漢娜邊個好嘴 Edan除衫激戰沈殷怡：唔知點樣錫

{{hket:ul-video id="9642"}}{{/hket:ul-video}}

蘇施黃完成最後一次化療打牌慶祝 向Haters笑稱：係呀我仲未死【下一頁】

{{hket:inline-image name="NNC.jpg"}}{{/hket:inline-image}}

{{hket:inline-image name="5233804e-a342-47cb-9c6f-b936a99505b8.jpg"}}{{/hket:inline-image}}

金燕玲向衛詩雅透露曾經有一位採訪者，主動要求到她屋企拍攝她一星期的生活日常，牽涉到她同蘇施黃的相處生活，「個採訪者覺得我遭遇好有趣，一個女人經歷咁多嘢，離過兩次婚冇端端最後又同個女人一齊，又生兩次Cancer（癌症），點解一個人人生可以發生咁多嘢？佢好好奇，咁佢自己本身都係一個同性戀者，但唔敢同父母講，我後來都衷心同佢講，唔係要鼓勵佢同媽媽衝撞，但唔誠實對父母或者另一半父母都唔公平。」金燕玲慶幸自己不需要跟家人交代太多，但決定跟蘇施黃一齊之前都有問過女兒的意見，「我問個女點睇，希望佢照實話我知，因為佢反應會影響我個決定，我個性就係咁，如果有嘢瞞住，我自己都會好辛苦！」

提到跟阿蘇由認識到相愛，金燕玲表示自己跟對方完全不熟，只是跟麻雀腳一齊飲茶認識，當時可能阿蘇知道她的處境，同情她淒涼的生活，「呢個時候我已經50歲呀喇，老實講，我同佢講，我貪圖你照顧我，但你係我partner（夥伴），我哋係同住埋一齊，你出到去都係我另一半。我唔係因為咩離婚受咗刺激，從此對男人無興趣鍾意女人，完全唔係，我係因為佢提供咗個照顧我嘅方案，但我唔係攣呀喎，之前從來冇諗過，我話：『我唔識呀喎，你要做乜呀？哈哈哈！」金燕玲指阿蘇的追求非常浪漫，曾經有一次情人節，阿蘇聲稱有朋友去英國，問金燕玲有沒有需要代購到英國，金燕玲希望想要兩隻鑊，沒想到最終在倫敦出現的是阿蘇本人。「後來上佢酒店房，冇嘢淨係傾偈，我仲問佢係咪天生就係咁（同性戀）...」

{{hket:inline-image name="BC.jpg"}}{{/hket:inline-image}}

金燕玲坦言起初不習慣同性戀的關係，差不多花了五、六年時間才比較舒服，「佢好令我改變想法，同呢個人開始我有個心態係唔知捱到幾耐，最終結果我同呢個人係長過我兩段婚姻加埋。佢從來冇逼我做任何事，我哋一人一間房，生活獨立、經濟獨立，屋企盡量都照顧晒，（佢真係好鍾意你！）原來呢個世界原來真係會有人咁做，唔知點解之前兩段婚姻撞到啲人唔係咁樣，佢起初都感覺到初初我唔太舒服，但慢慢呢個關係令我覺得人對人之間嘅真愛係奉獻。」

新年前確診患乳癌｜金燕玲唔使做化療食藥控制病情 「病從口入」戒絕所有美容食品【下一頁】

提到兩人的相處，金燕玲自認雖然大家知道阿蘇的脾氣，但她的脾氣都不比她弱，「一係我煮，一係佢煮，我哋兩個都好惡爺，我脾氣唔係細過佢呀！鬧交一定有，我個性唔鍾意放過夜，尤其我做錯咗，我會即晚主動去佢房講Sorry，唔好將負面嘅事留過夜，我會瞓唔著覺。」

{{hket:inline-image name="lycq20170409028.jpg"}}{{/hket:inline-image}}

金燕玲指愛女拍拖一年多，她心態是最重要照顧好自己，遇到對的人就結婚，沒有就單身也沒所謂，「離婚咪離婚，小朋友唔可以亂生，我唔贊成啲人生小朋友畀工人湊，你真係要花時間去教，咩叫家教，就係自細去陪佢成長。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組