何猷君「女兒傻瓜」預告有求必應 奚夢瑤笑老公「噁心」曬流利粵語

已故賭王何鴻燊四房兒子何猷君（Mario）在2019年與內地超模奚夢瑤結婚，婚後二人誕下一對子女，一家四口相當幸福。二人喺內地綜藝節目認識，近日二人齊齊亮相另一綜藝節目《愛的修學旅行》，二人喺節目中同兩個小朋友視像通話，奚夢瑤大爆老公係女兒傻瓜，搞到其他嘉賓都笑到碌地。

同場加映： 萬千星輝賀台慶丨《東張》女神谷胸露腿搶晒花旦風頭 洪永城疑家有喜事再做老竇

{{hket:ul-video id="9615"}}{{/hket:ul-video}}

節目中何猷君同太太奚夢瑤以及孟鶴堂、伯遠喺同一架車上，猷君同奚夢瑤用呢個時間同兩個子女視像通話，二人同一般父母冇咩分別，同樣喺面對小朋友嘅時候非常溫柔；而囝囝都出盡力嗲爸爸媽媽，話好掛住佢哋，兩個都即刻冧到爆。奚夢瑤仲大曬流利廣東話，同囝囝講：「聽日打畀你好冇？」

{{hket:inline-image name="2.JPG"}}{{/hket:inline-image}}

收線之後孟鶴堂不禁講句：「好幸福呀你們。」奚夢瑤就好開心咁表示覺得小朋友好可愛，孟鶴堂就話自己都想生一個女，何猷君就立即衝出嚟話：「有女兒特別幸福。」佢哋都非常認同，囡囡只要叫一句爸爸就會成個人融化，係「前世情人」咁話。奚夢瑤表示自己本來都唔相信，不過見到自己個女就不得不信：「我的老天爺，一個噁心。」原來佢係話喺囡囡叫爸爸時，何猷君以高音嘅bb話來回對話，令佢覺得「噁心」。

孟鶴堂同伯遠睇完佢同囡囡嘅片段後都笑到不行，並認同奚夢瑤講嘅「噁心」。何猷君有少少尷尬，不過又一臉慈愛咁話自己而家成個相簿嘅favourite都係囡囡嘅相，又話日後阿女無論有咩要求都會應承佢，甘心做個女兒傻瓜。其實何猷君夫婦之前已經為細女搞咗《寵物小精靈》（Pokémon）為主題的兩歲生日派對，當時已經有網民指佢哋偏心，而奚夢瑤都講笑話好彩阿仔唔識玩小紅書。

圖片來源：抖音、小紅書