中年好聲音2丨大隻中醫座駕被扑盜竊損失慘重 徐澤昌：日光日白真係好誇張

著名中醫師徐澤昌經常接受《流行都市》、《東張西望》或者不少健康節目的訪問，由於勤於健身，外表大大隻隻，令不少人留下深刻印象。前陣子，徐醫師更勇敢挑戰《中年好聲音2》的比賽，成功唱黎明的歌曲打入100強，雖然最終被淘汰未能晉身50強，但仍然認識到一大班《中年好聲音2》的朋友，非常開心。不過，昨晚徐醫師就發生不愉快事件，他的座駕被爆玻璃盜竊，損失慘重。

同場加映：羅密歐與祝英台丨古佩玲性格怕醜望陳浚霆主動出擊 家庭被起底難接受：富有來自知足

{{hket:ul-video id="9554"}}{{/hket:ul-video}}

中年好聲音2│首集2名獲5燈選手直接入圍60強 大隻中醫徐澤昌首輪慘遭淘汰【下一頁】

{{hket:inline-image name="366661276_673802188098934_5816947864609927541_n.jpg"}}{{/hket:inline-image}}

{{hket:inline-image name="373539908_686244506854702_1724835146709750603_n.jpg"}}{{/hket:inline-image}}

徐醫師IG Story分享幾張照片和一條影片，見到一架藍色的座駕，在副駕位置的車窗被打爆，玻璃碎散滿一地，連車上座位都有，車入面就空空如也。他都不禁留言：「真係太癲！」徐醫師接受《晴報》電話訪問，他表示：「架車今日被人扑爆窗，然後拎走咗我個袋，損失方面，我問番媽咪淨係個袋本身都7千幾蚊，入面有波鞋、運動衫、一部ipad、水壺、同埋幾個耳筒，每個耳筒價值千幾二千，所以淨係個袋損失接近兩萬蚊。至於架車維修費，暫時未知，仲等緊幾間整車公司等佢哋報價。」

中年好聲音2丨遁地八大口九多名前藝員參加 大隻佬中醫師黎明腔現柔情一面【下一頁】

徐醫師透露他將座駕停泊在旺角廣華街百利達廣場停車場，大約已經租用半年時間，主要因為停車場近公司診所，他表示：「因為公司診所喺附近，我就平時習慣泊架車喺度，然後去做運動，做完運動就上番架車放污漕衫，然後就步行去返工，因為真係行兩分鐘就去到診所。今次真係好誇張，我架車泊喺個室內停車場，有保安，竟然日光日白都被人扑爛，真係警惕大家小心啲，貴重財物唔好放喺車，咁樣扑法真係損失慘重。最慘係個鎖匙扣，係我個女喺幼稚園嗰陣整畀我，有佢個樣呀，好有紀念價值，咁就冇咗，唉...」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組