中年好聲音丨顏志恒搞生日音樂會好友撐場 Ben嫂激罕開金口合唱放閃

《中年好聲音》顏志恒（Benson）擁有一大班支持者Bens，他們不時會搞粉絲聚會，昨晚適逢Benson快將44歲生日，Bens為他舉辦個人音樂會，讓Benson能夠在舞台上圓夢之餘，粉絲們都可以瘋狂投入聽他的歌聲。Benson當晚獻唱多首歌曲，其中以偶像許志安的歌曲最多，而除了Bens外，現場都有肥媽Maria Cordero、黑妹李麗霞、張佳添、伍仲衡、周國豐及大班《中年好聲音》參賽者好友捧場，非常熱鬧。

同場加映：羅密歐與祝英台丨古佩玲性格怕醜望陳浚霆主動出擊 家庭被起底難接受：富有來自知足

{{hket:ul-video id="9554"}}{{/hket:ul-video}}

《中年好聲音》台慶綵排丨顏志恒去肥媽派對「扮嘢」玩到盡 羅啟豪貓王上身喇叭褲最煞食【下一頁】

{{hket:inline-image name="IMG_1387_600.jpg"}}{{/hket:inline-image}}

{{hket:inline-image name="IMG_1382.jpeg"}}{{/hket:inline-image}}

{{hket:inline-image name="IMG_1380.jpeg"}}{{/hket:inline-image}}

{{hket:inline-image name="IMG_1377.jpeg"}}{{/hket:inline-image}}

Benson獨唱之外，分別跟車婉婉、「同月同日」生日的伍仲衡、支嚳儀、曹敏寶、周吉佩、魏嘉信、韋綺姍等合唱，為大家帶來驚喜。期間，曹敏寶帶備金鍊到場，為Benson戴上，即場結義做兄弟，果然老友鬼鬼。

不過論到最驚喜的相信是Benson手拖住太太Ben嫂出場，兩公婆一齊合唱《陪著你走》，全場尖叫又冧豬。沒想到Ben嫂的歌喉不錯，非常淡定，似乎平日都跟Benson一樣是唱歌高手。Bens嫂笑言：「本來我都話唔上嚟唱，但我唔唱，佢又唔開心，所以好啦，最終都上咗嚟喇！」Benson笑言知道老婆好怕公開唱歌，今次絕對為他驚到震住都豁出去，非常感激對方。粉絲狂嗌要求「咀嘴」，最終Benson話「老夫老妻」，只肯錫額頭了事，不過畫面一樣甜蜜又溫馨。

中年好聲音丨顏志恒開直播自爆誤墮騙局？ 老婆夾埋Bens送驚喜：呃得我透【下一頁】

直至最後一首歌，Benson唱出《眼前一亮》時激動流下男兒淚，場面感動。Benson完騷後接受《晴報》訪問，他表示由籌備開始到完騷，感覺非常夢幻，感謝粉絲們讓他可以圓夢。他說：「感動係因為呢首歌係我偶像許志安嘅歌，佢放喺演唱會最尾唱，當一路唱嘅時候，腦入面嘅畫面就由自己初初鍾意唱歌開始，直至參賽，過程中受到好多冷言冷語，到而家有自己小小音樂會，一幕幕畫面真係好感動。」他表示如伍仲衡的祝福，希望盡快有屬於自己的歌曲，問到會否想再開演唱會邀偶像許志安做嘉賓？Benson說：「諗都唔敢諗，不過首先真係要有自己嘅歌，儲下歌先再諗咁長遠。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組