《白愛》｜AK江𤒹生@MIRROR獲高瀨統也度身訂造日文歌 MV大玩BL虐心情節表達傷感愛情故事

AK江𤒹生今年不斷為樂迷帶來驚喜，昨日釋出的最新單曲是一首日文合唱歌《白愛》。今次與AK合唱的是日本歌手高瀨統也（Takase Toya），後者特意為AK度身訂造作品。AK未有細想勇闖日本藝能界的想法，只望香港、日本的樂迷都喜歡這首歌。

同場加映：

冰上火花丨大細B打正旗號闖更衣室影肌肉男 岑樂怡黃可盈各自增值做「入屋」演員

{{hket:ul-video id="9545"}}{{/hket:ul-video}}

在今年與陳卓賢及陳蕾合作的拉闊音樂會中，AK與陳蕾合唱了日文歌《どうして（為甚麼）》，選這歌全因一次機緣巧合︰在音樂會舉行之前，AK還未選定合唱的日文歌，剛巧在揸車時，Playlist就隨機播出高瀨統也《どうして（為甚麼）》，AK一聽愛上，推介給陳蕾，對方也十分喜歡，於是就在音樂會上演繹了這首歌。怎料音樂會之後，有人在社交平台Tag了高瀨，對方亦高度讚賞，甚至轉載了演出片段，AK亦因此與高瀨在IG上認識了，AK道：「之後高瀨問我，可唔可以為我寫隻歌（作曲、作詞、編曲、監製皆為高瀬統也），我聽到，就梗係覺得好啦！結果就促成今次合作。」

{{hket:inline-image name="IMG_3041.JPG"}}{{/hket:inline-image}}

兩位男生合作，卻創作出一首慘情情歌〈白愛〉，AK解釋道：「《どうして（為甚麼）》都係少少慘嘅情歌，當時想繼續循住呢個方向去創作，再加上高瀨問我想唔想一齊合唱，於是就成就咗今次嘅合作。」高瀨填詞的時候，更精心加入「どうして」這一句落在副歌歌詞，由AK唱出，這安排絕對是窩心的一次度身訂造。

對於為AK寫歌，高瀨表示：「能夠為AK創作佢嘅首支日文歌，實在感到十分榮幸！多謝佢畀咗咁寶貴嘅機會我。」同時透露合作後對AK的感覺，說：「我哋6月開始灌錄《白愛》，當時AK嚟咗我屋企，當時係我哋初次見面。AK是我認識嘅朋友之中，最喜歡同人互動交流嘅人。離開屋企之後，我仲帶咗佢去附近我好鍾意嘅居酒屋呢！」

MV方面，AK與高瀨統未有粉墨登場，二人構思了一個與《白愛》一樣的傷感愛情故事。AK：「同高瀨傾歌曲內容嘅時候，講到其實愛情除咗男女之外，都可以有唔同形式出現，所以就諗不如MV以BL情節表達歌曲故事。」

AK熱愛日本文化，他其實不諳日語，所以今次錄音也是靠死背，他說：「我唔熟悉日文呢個語言，今次錄《白愛》只有硬記，喺拉闊唱《どうして（為甚麼）》之前，都有唱過日文歌，每次硬背日文，未必明白意思，所以拉闊之前係想認真了解呢種語言，搵咗個日文老師學日文。我日文能力一啲都唔高，只係上咗幾堂。」這次推出日文歌，AK可有想過藉此打開日本市場？他笑言：「冇諗到咁遠，希望可以透過《白愛》呢首歌，吸引到日本聽眾認識我。第一次同高瀨合作，希望除咗香港樂迷鍾意之外，日本嘅朋友聽到我唱日文，都會鍾意。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供