江嘉敏狀態大勇少布泳裝派福利 網民質疑甫錯未P相彈弓手收回

現年29歲的江嘉敏入行多年，身形時肥時瘦，而佢長髮同短髮嘅造型都相差非常大，外形經常都備受關注。近日佢狀態回勇，頭髮留番長之外，仲弗番好多，而江嘉敏都捉緊今年最後機會派福利，着上少布泳裝影沙龍，睇到粉絲噴晒鼻血。不過佢就疑似唔小心post咗未P相片，彈弓手秒刪再重Post。

同場加映：冰上火花丨大細B打正旗號闖更衣室影肌肉男 岑樂怡黃可盈各自增值做「入屋」演員

{{hket:ul-video id="9545"}}{{/hket:ul-video}}

{{hket:inline-image name="WhatsA.jpeg"}}{{/hket:inline-image}}

江嘉敏今年江嘉敏似乎狀態大勇，年近三字頭越來越索，日前佢喺IG大曬三點式泳裝照，極限少布之下深長嘅事業線打晒出嚟，真係肥少少都carry唔到。不過就有網民發現江嘉敏疑似錯手post咗未P嘅相，留言：「剛才好似唔係呢張。」更有人和應之前一張相係縮肚之下都見到有肚腩，似乎江嘉敏兩秒已經發現咗並刪相，不至被「留底」。經常出現「時裝災難」嘅佢今次都被網民批評「揀錯款」，指佢嘅小高腰泳褲似「阿婆底褲」，真係多要求！

其實細看之下，只要大家唔好被美色所迷，掛住望江嘉敏事業線，就會發現到佢嘅手臂線條唔係太「順滑」，仲一邊粗一邊幼，唔係太Balance，唔知佢係咪淨係一邊做gym呢？不過就咁睇的確係好索嘅，身材凹凸有致，瘦人唔瘦胸，大家有得睇就要感恩啦，真相畀你搵到又點？

圖片來源：Instagram