生命鬥士｜癌細胞入侵脊骨 癌末女生旅行前悉噩耗要電療 劇痛退去趕及出發：好大嘅神蹟

於花樣年華的年紀患上癌症，相信未必人人能夠接受。90後癌末女生張天允（Tiffany）於27歲時發現患上子宮頸癌2B期，獲醫生告知癌細胞已擴散至末期，更被判只剩下數月壽命。患病期間她曾在媒體上分享自己的抗癌經歷，近日她再於YouTube及社交平台更新近況，指癌細胞再次入侵脊骨，影響神經導致劇痛不斷。6月尾時她完成5次電療，更於完成最後一次電療當日上機，與好友出發去杜拜，就連醫生也笑指「服咗佢」。Tiffany表示，未來希望有其他新的治療方向和藥物改善病情。

同場加映︰

Sick問識答︳BB出世後新手爸易成磨心 醫生教3招助減婆媳衝突

{{hket:ul-video id="9496"}}{{/hket:ul-video}}

現年31歲的Tiffany近日在於YouTube及社交平台分享近況，指自從今年3月後身體狀況一直轉差，痛楚不斷增加，甚至連止痛藥也不能止痛，坦言「每晚都瞓唔好」，甚至5、6月於台灣治療時需要坐輪椅。至6月21日時，她於香港接受PET Scan（正電子掃描）後，發現癌細胞入侵脊骨，影響L3、L4及L5的脊骨而影響神經線，使她的右腳麻痺和疼痛。後來醫生安排Tiffany進行電療，停止骨裡的癌細胞惡化。

希望能夠趕及旅行前完成電療

本身熱愛周遊列國的Tiffany，原本一早安排6月30日與好朋友到杜拜享受對方的婚前單身之旅，她坦言是「好想好想去嘅旅行」，故大膽向醫生提出：「可唔可以喺6月30日之前完成晒呢個治療呢？」但由於今次電療的位置比較複雜，醫生表示盡量會答應她的要求，隨後於6月25日開始第一次電療。

Tiffany表示，雖然電療只需5日，但過程絕對不輕鬆，痛得難以入睡，「電療過程只要電5日，但係一啲都唔輕鬆，甚至加劇咗我嘅疼痛，心入面極度懷疑（其實嗰刻去唔到旅行我都冇所謂，只不過心入面覺得既然its’s a promise from God，我都好想知佢係咪真係一個promising God。」

雖然一直希望能夠如期出發，但電療後身體上有很多未知知數，故她亦向好朋友表示，只能在旅行前一天才決定是否能出發。

如願如期出發旅行 

所幸，最終她能夠於6月30日早上完成電療，並於當日下午出發去杜拜；她形容電療第4日時所有痛楚突然「完全退去」，食止痛藥便可控制，是「好大嘅神蹟」。一直抱著樂觀積極的態度面對困難的Tiffany又分享，雖然電療後去探索一個新國家需要勇氣，但她非常享受旅程中的新嘗試，

「當時諗，唔舒服咪最多留喺酒店囉！冇諗過喺呢一趟旅程，雖然有量力而為嘅時候，但係同一時間仍然做到好多新嘅嘗試。」

最後，努力把握時間捉緊生命、活出精彩人生的她表示：

「好多嘅唔可能，其實只不過係自己嘅想像。有時實現夢想只需要一點點任性，加一點點瘋狂而已！」

而在今年2月，Tiffany亦曾把握機會到日本，展開人生中第一次的滑雪之旅，「2023年2月係我第一次見到落雪，第一次滑雪，但係亦都可能係我最後一次。」當時她發帖表示，自己滑到身體每一寸肌肉「都酸到爆」，連著鞋都要用手抬起腳，

「有時真係唔知道自己咁堅持為乜。但係而家我好多謝幾個月前嘅自己，冇等待所謂最佳狀態先做嘗試，短短幾日堅持用生命滑雪！因為你永遠都唔知自己仲有冇呢個狀態，有冇呢個機會去做同一件事（事實證明，2個月後已經開始連行路都成問題）。下年仲滑唔滑到？我而家都答你唔到。」

27歲發現患癌 曾舉行「生前喪禮」

Tiffany在27歲因為下體分泌物增多，先後向兩名婦科醫生求診，其後證實罹患子宮頸腺癌2B期。她直言當時晴天霹靂，「我冇諗過廿幾歲會有cancer（癌症）......」但亦很快平靜下來，細想後決定接受電療和化療。在抗癌路上Tiffany絕不孤單，一直都有家人及男友Jeff陪伴及支持。

去年Tiffany更在ViuTV《對不起幫緊你》節目上舉行「生前喪禮」，在生前喪禮上，展示了她的房間、獎盃、日常照片和影片，還有Tiffany確診當天的場景。她表示沒有人會有心理準備送別親友：

「我明白會有情緒，但不需要過份恐懼這件事，要明白每個人都會走到這一刻，只不過我可能會早一點。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】