換電話

以前每逢出門口前，都會確認是否已帶齊「出門三寶」——銀包、鎖匙、電話，但現在可能很多人已不用帶銀包、鎖匙，不過，電話仍然是必帶品！

身為公關，每天都可謂機不離手，隨時收取客戶、同事的訊息，還有即時新聞！試過放假在家，成個鐘沒有聽到電話發出提示聲，還差點以為是電話壞了，要按按它確認沒問題！

有好一段時間，每次打出電話，縱使我不停「喂？」對方給我的回應同樣是「喂喂喂！」我聽到對方，但對方聽不到我！令我非常困擾！終於，趁着iPhone出新型號，就換掉舊電話，希望不會再出現此情況！

最近有兩位朋友都換了新iPhone，都是出於突發，踢晒腳！二人本身用開的iPhone某天突然黑屏，嘗試各種方法都開不了機，其中一位朋友也是行家，緊張到不得了，立即放下手上的工作去買新電話！

另一位朋友壞電話當晚，第二日就要飛倫敦，當晚我們去到她家準備吃大閘蟹，知道她的慘況後，蟹都放埋一邊，趕在店舖關門前飛車出去買電話！

經常有網民笑指每逢蘋果出新iPhone，就會有很多舊iPhone壞掉，讓多些人換新機，不過都可能係咁啱得咁蹺啫！不過現代人缺了手機會好難生活，就一定係真事啦！

（本欄逢星期五刊登）