隨懿深度行丨高海寧背露裝歎無敵大海景 食魚好遴迍魚鱗跌落心口勁尷尬

由黎諾懿主持的無綫節目《隨懿深度行》，邀請高海寧（高Ling）同遊馬來西亞南部的雪邦。高Ling對行程好有要求，既要盡情吃喝玩樂之外，更要又歎又舒服，可以放鬆心情，黎諾懿就安排一間非常舒適的酒店，面對無敵大海景，穿上露背裝的高Ling表現相當興奮，她笑言猶如置身馬爾代夫一樣！

同場加映：

羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

{{hket:inline-image name="03.jpg"}}{{/hket:inline-image}}

{{hket:inline-image name="04a.jpg"}}{{/hket:inline-image}}

及後，兩人除了玩越野電單車外，還體驗了傳統手工藝蠟染，高Ling製作手工藝時透露：「我好鍾意畫畫，而家都學緊油畫，想開個畫展做善事。」塗色時，還以為黎諾懿雞手鴨腳，但最後製成品竟然十分出色，高Ling笑說：「估唔到佢咁有藝術細胞，可能係跟佢個仔學，佢之前唔係咁㗎！」接著，他們去到當地「天空之鏡」沙沙蘭海灘影錯覺靚相，兩人一時扮被風吹走，一時又大戰哥斯拉，最後更合力做出巴黎鐵塔反轉再反轉，玩得勁開心！

隨懿深度行︳劉穎鏇首遊大馬獲黎諾懿送驚喜 近距離欣賞「世上最大的花」【下一頁】

在當地，他們品嚐忘不了魚和啤酒火鍋，遴迍的高Ling在食魚時，竟然不小心將魚鱗掉落心口，她表現尷尬，立即用手掩住心口。之後他們食榴槤，一直「被以為」十分愛吃榴槤的高Ling，她說：「其實係個美麗嘅誤會，有一次拍旅遊節目，有人問我鍾唔鍾意食榴槤，我話我阿媽鍾意食，我就唔抗拒，大家知道我願意食榴槤之後，就流傳成我好鍾意食榴槤喇！」

{{hket:inline-image name="28.jpg"}}{{/hket:inline-image}}

節目尾聲，黎諾懿和高Ling在沙灘一邊享受晚餐一邊欣賞火舞表演，高Ling睇到嘩嘩聲，相當投入，及後她獲邀參與火舞表演，事後高Ling興奮地說：「當吓嘅感受係好投入、好開心，雖然我唔驚火，但都會緊張，有一種腎上腺素飆升感覺！」

{{hket:inline-image name="34.jpg"}}{{/hket:inline-image}}

撰文：娛樂組

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】