黎諾懿堅持身教帶囝囝行善 爆小春雞享受被包圍影相

黎諾懿與太太李潔瑩、囝囝「小春雞」黎峰睿，日前聯同譚玉瑛出席某醫療集團的開幕典禮暨嘉年華活動，活潑可愛的「小春雞」無懼大場面，開心「搶Fo」滿場飛，爸爸黎諾懿笑言絕不介意人氣被搶，只希望帶峰睿認識何謂慈善，藉活動植入助人為本之心，果然是個愛心暖爸。

同場加映：演唱會完騷丨姜濤聽偶像小豬話完騷唔打邊爐 爆褲管內包晒繃帶免傷舊患

{{hket:ul-video id="8878"}}{{/hket:ul-video}}

{{hket:inline-image name="DSC06201.jpg"}}{{/hket:inline-image}}

對於大會以慈善方式捐出七位數手術費，黎諾懿直言讀萬卷書，不如行萬里路，他會繼續身體力行向「小春雞」灌輸做慈善工作、助人的理念，他說：「佢經常聽爸爸講做慈善，但唔會明，一定要一齊出嚟做，先知道呢個世界原來好多人需要幫助，令佢慢慢習慣去照顧人，最近放暑假，佢都成日跟住我做唔同嘅慈善工作，最近一次我哋做義工帶咗一班小朋友到樂園玩。」

{{hket:inline-image name="FR5D5246.jpg"}}{{/hket:inline-image}}

對於「小春雞」在活動成功搶風頭，作為爸爸的黎諾懿笑言對方性格十分PR：「其實（囝囝搶風頭）我仲舒服咗，佢分擔咗啲影相時間，見到個仔好享受畀一班姐姐圍住影相，佢嘅笑係發自內心，我覺得小朋友係要多啲接觸唔同嘅人，咁佢哋成長先會快，同埋識得與人溝通。」

{{hket:inline-image name="DSC06210.jpg"}}{{/hket:inline-image}}

「小春雞」性格外向，諾懿坦言不介意囝囝在娛樂圈發展：「我唔會介意佢喺呢行發展，最重要佢開心，但首要係讀多啲書先，識多啲唔同語言，因為我自己都好後悔冇讀好書，搞到普通話同英文都唔叻。」

{{hket:inline-image name="C4_00632.jpg"}}{{/hket:inline-image}}

至於向來注重健康的譚玉瑛，不僅生活規律，更會年年驗身，談到工作與健康生活之間的取捨，她直言必以後者行先：「我甚少日夜顛倒生活，一開始選擇做兒童節目，就係欣賞日光白白嘅工作，無需做到半夜三更，因為我個人好執着，細個老師話要早睡早起，我就入咗腦、堅持住，九點就要瞓覺。」

{{hket:inline-image name="FR5D5267.JPG"}}{{/hket:inline-image}}

撰文：娛樂組

相片：大會提供