香港人在北京丨傅嘉莉喜劇殺出血路成功洗底 受珍姐勸告選擇沉默以作品說話

傅嘉莉（Kelly）近日在劇集《香港人在北京》中，一洗以往固有形象，以男仔頭角色Funny現身，更一度化身《食神》的火雞姐而引起熱議。Kelly喜見演藝事業的小高峰，終於「入屋」獲得大家的認同，回想起9年前被負面新聞纏身，當時獲得曾勵珍一句說話當頭棒喝，選擇默默工作；直至遇到Funny，終於可以用作品說話，難怪她提起昔日經歷都不禁眼濕濕。

同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

劇中的Funny表面是男仔頭，但內心卻是一個暗戀阿喱（洪永城飾）的少女，兩人的互動引爆不少笑料，喜感令觀眾喜出望外，更對Kelly有不少正面的評價。Kelly表示：「首先真係多謝鍾澍佳監製，天時地利人和所有嘢夾埋先有呢個戲，本身拍攝嗰陣覺得一定會受歡迎，尤其劇本殺呢場戲有咁多電影經典角色，相信大家都好有共鳴，但冇諗過為我帶來人生事業上高潮。」她坦言過往幾年雖然不斷有劇集推出，但今次收到大家美言鍾意這次角色，令她大為感動。「呢個星期所有評論我都睇過，成為我精神食糧。」

香港人在北京︳傅嘉莉同洪永城納投名狀斬情絲 網民讚演得好：呢幕虐心催淚【下一頁】

{{hket:inline-image name="1S8A4579.jpg"}}{{/hket:inline-image}}

{{hket:inline-image name="1S8A4545.jpg"}}{{/hket:inline-image}}

{{hket:inline-image name="1S8A4363.jpg"}}{{/hket:inline-image}}

{{hket:inline-image name="1S8A4411.jpg"}}{{/hket:inline-image}}

今年Kelly有三套劇集，分別是《廉政狙擊》的尹在詩、《一舞傾城》的Paula和《香港人在北京》的Funny，都是截然不同的角色，但陸續都有觀眾看到她用心的演繹，「其實由細到大我都幾冇自信，總係覺得自己唔夠好，做模特兒9年，工作就係去迎合人哋；直至後來拍劇，大家見到傅嘉莉就覺得應該點點點。其實私底下我係宅女唔鍾意出街，最鍾意打機殺人，呢蹶先係真正嘅我，冇諗過反而最真實嘅自己係大家鍾意。」

Kelly突然悲從中來眼濕濕，問到感觸位，她才娓娓道來原來跟高層珍姐有一個小故事，「我已經好多年冇做專訪，幾年前珍姐曾經同我講過一句說話，佢話睇完我啲專訪真係嘥鬼氣唔想睇，『你唔識講嘢就唔好講，同我踏踏實實做好我畀你嘅工作，你有本事、有能力肯努力，觀眾係睇得到，用作品講說話，唔好用你把口，講係冇用，越講越錯！』」她表示這番說話對她當時而言是當頭棒喝，所以之後一直默默工作專心演戲，就算角色大小或者反派丑角都照接，正是這些經驗造就了今時今日的傅嘉莉。「好似尹在詩咁，一個劇有600幾場戲，尹在詩出場只係得14場，但出嚟反應好好，我性格就係14場我都要盡力做好佢畀大家睇到。」

香港人在北京︳傅嘉莉神還原《食神》莫文蔚角色 戴假哨牙講對白勁難：怕甩出嚟NG【下一頁】

{{hket:inline-image name="1S8A4669.jpg"}}{{/hket:inline-image}}

{{hket:inline-image name="1S8A4675.jpg"}}{{/hket:inline-image}}

{{hket:inline-image name="1S8A4733.jpg"}}{{/hket:inline-image}}

Kelly現年38歲，她坦承這個春天來得有點遲，但慶幸是沒有放棄而終於遇上。曾經被指搭上有婦之夫，忽然富貴狂買樓，又被批是電視界「孤獨精」冇朋友等，負面新聞不斷，「之前啲新聞大約8至9年前發生，嗰幾年的確係好唔開心，當我以為慢慢回氣準備好，點知後來有社會運動同疫情，有種鬱鬱不得志嘅感覺。的確當時有諗過放棄唔做娛樂圈，公司都唔係第一次聽到，但高層商量過叫我唔好放棄，當時我形容係就快死，真正輸血救我嘅係鍾澍佳，佢撈番我上嚟。」

{{hket:inline-image name="1S8A4466.jpg"}}{{/hket:inline-image}}

事業一步一腳印走上高峰，Kelly坦言跟事業戀愛，重心都放在工作上面，「上天係吸引力法則，你要想先會有感情，我本身冇乜自信同安全感，而家係覺得靠自己先有會安全感，有事業有錢應付到生活就係安全感，如果要靠另一個人先維持到生活，咁樣好冇安全感，加上感情係會變呀嘛！」她笑言自己不會主動出擊，但偶然都有約朋友互相認識一下，但不會強求。「媽媽一直都有催婚，我有一個哥哥同一個細佬，細佬細我11年，但阿哥都未拍拖結婚，大師李居明都話我呢幾年係要專注事業先！」Kelly目標希望每次演出都能將角色由冷冰冰的黑白文字，變成有血有肉的人物，令觀眾留下深刻印象，「入呢個就係因為鍾意演戲，咩主角配角唔重要，每個角色都一定有用，只係你有冇本事去演好佢！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

髮型：Ray Mork @Admix hair styling 
首飾：@faa official hk
場地：荷里活廣場莆田

攝影：馬駿傑
撰文：楊安莉