傅嘉莉(Kelly)在台慶劇《香港人在北京》內飾演男仔頭的「Funny」,多年來一直暗戀「阿喱」洪永城,劇情將會講到他們跟「淼淼」陳星妤,陷入愛情三角錯的關係。
同場加映:
4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手
今晚(20日)最新播出的一集,眾主角大玩經典電影造型,傅嘉莉、洪永城、陳星妤、吳業坤及戴祖儀等,齊以周星馳的電影角色出場,傅嘉莉同洪永城就揀了《食神》女主角莫文蔚同男主角周星馳的扮相。當中傅嘉莉可謂神還原「火雞姐」莫文蔚,戴起假哨牙兼手持菜刀的神情,令人以為本尊親臨現場,在這一集內相當之搶Fo。
香港人在北京丨鍾澍佳不忿港劇被批老土回流重振 讚吳若希有喜感 睇好新晉演員【下一頁】
傅嘉莉稱由入行做Model開始,已有不少人指她似莫文蔚,「冇諗過拍劇可以扮佢(莫文蔚)其中一個經典角色,拍攝時我覺得好似樣,戴埋假牙之後直頭係火雞姐,見到還原度咁高,我自己都好開心!(要戴假哨牙講對白?)一啲都唔簡單,個假牙只係Halloween嘅道具,好闊同好大,所以好難戴;後尾諗到擺啲Blu Tack入去黐住原本啲牙,同埋盡量飲少啲水、減少口水,怕一講對白會甩出嚟搞到NG。」
香港人在北京丨陳展鵬吳若希誤墮加密貨幣騙局 首集成JPEX事件翻版被形容「神劇」【下一頁】
對於這次搣甩女神光環化身男仔頭Funny,傅嘉莉笑說:「好開心監製畀咗呢個角色我,係打破咗我以往角色嘅框框,我完全唔介意演男仔頭,越唔似我、我就越開心。身為演員就要貢獻身體畀個角色,所以變成點樣都冇所謂。」
(↓點擊放大睇圖片↓)
至於其他人的造型扮相,陳星妤是《喜劇之王》「柳飄飄」張栢芝,吳業坤同戴祖儀是《功夫》「包租公」元華同「包租婆」元秋。陳展鵬、吳若希同蔡潔其實也有參與,陳展鵬同吳若希是《倩女幽魂》「黑山老妖」劉兆銘,吳若希是「聶小倩」王祖賢;蔡潔是《花樣年華》「蘇麗珍」張曼玉。當中能跟傅嘉莉匹敵,要數由陳展鵬扮的黑山老妖,夠誇張又搞笑。
立刻加入《晴報》WhatsApp頻道,獲取最新娛樂、健康及著數資訊,仲有送禮活動!
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文:娛樂組