羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

鄺潔楹（Judy）今年三部劇集都各有特色，《新四十二章》的爆炸頭Zoie、《一舞傾城》的舞小姐細細粒及《羅密歐與祝英台》的冷豔Molly，三款截然不同的演繹。Judy感恩由綜藝主持轉戰拍劇做演員，得到不少發揮的機會，縱使初時遇到不少挫敗，但樂觀個性的她越戰越勇，希望努力進步當上女主角，為「嬌的的」女演員爭一口氣！

{{hket:ul-video id="9463"}}{{/hket:ul-video}}

Judy在劇集《羅密歐與祝英台》飾演羅家的養女莫莉Molly，跟羅家四位少爺朝夕相對之餘，更與兩位高頭大馬的吳子冲和徐文浩有感情戲。「第一次演三角戀關係，吳子冲同徐文浩兩兄弟為咗我大打出手，後來仲發現我原來我同江美儀有親情關係。今次劇集喺情緒上比較辛苦，亦係我近三年接觸正劇以來，最難嘅一次，因為好多喊戲，印象中有一個禮拜拍攝，其中三日都要喊足一日。第一日演得好差，完成一個我唔太滿意嘅鏡頭就收工，然後我好內疚，一邊揸車一邊默默流淚，好自責點解演得咁差咁廢！」她笑言後來兩場戲都發揮得不錯，因為將首日失敗的負面情緒放入角色，自自然然就會落淚。

一舞傾城丨細細粒為孭賭債「賣身」遭虐待 SM戲被刪剩15秒 鄺潔楹：失望係...【下一頁】

{{hket:inline-image name="DSC06809.jpg"}}{{/hket:inline-image}}

{{hket:inline-image name="DSC06812.jpg"}}{{/hket:inline-image}}

{{hket:inline-image name="DSC06811.jpg"}}{{/hket:inline-image}}

Judy笑言喊戲對她而言是一個大挑戰，曾經向好友林凱恩請教，她說：「她喊戲真係好勁，試過一次約佢食飯叫佢試吓哭，點知唔夠幾分鐘就喊出嚟！佢話只要諗起唔開心嘅事就會喊到，但我冇，唔係我冇唔開心，我同佢嘅分別係我釋懷咗，已經諗唔番個情緒係點。」Judy坦言性格比較樂天知命，適合這一行，事關就算幾個月都沒有劇集開工，她都不會因「冷板凳」而憂心忡忡，「我都會問吓公司幾時有劇開，但未至於擔心到入黑洞走唔出嚟。雖然疫情後復常，不過經濟環境都未係太好，可能因為咁少咗劇開呢？我會用唔同說法去令自己釋懷。」

{{hket:inline-image name="DSC06754.jpg"}}{{/hket:inline-image}}

Judy憶起曾接受鄭裕玲的訪問，被問及入行以來的樽頸位，她說：「我有聽前輩講過，佢哋演好多年來來去去都差唔多角色同演法，就係佢哋樽頸位。我真係好幸運，監製陳維冠呢幾年畀我好多唔同嘅機會，每次有新製作都會預我，畀我嘗試唔同嘅嘢，由《七公主》演劍擊加律師到《新四十二章》爆炸頭辣椒仔，角色都好唔同，我係好幸運同感恩。」

新四十二章丨鄺潔楹爆炸頭造型夠突出 自爆抗拒：我會仲細粒咗【下一頁】

幕前工作以外，Judy有打理自己的服裝品牌及手工曲奇餅的生意，雖然只是「初哥」，不過得到不少的滿足感，亦填滿了拍劇空檔的虛位。她笑言無心插柳下推出服裝品牌，為「細細粒」女士帶來福音，「好多女仔買衫、買褲之後都要搵人改長短，真係有苦自己知，而家見到佢哋買細碼衫買得好開心，令我都好有滿足感。」

{{hket:inline-image name="DSC06793.jpg"}}{{/hket:inline-image}}

{{hket:inline-image name="DSC06857.jpg"}}{{/hket:inline-image}}

{{hket:inline-image name="DSC06844.jpg"}}{{/hket:inline-image}}

Judy表示一直有留意自己的報道，往往網友的留言都是笑她矮，「有關鄺潔楹嘅報道就係笑我好矮，為何總係Focus喺高度上面呢？我真係寧願佢哋話我演戲差，仲好過只係話我矮。」她續言由綜藝轉為劇集演員開始就已經訂下目標，希望能夠成為劇集女主角，「荷里活咁大市場都有身材矮細嘅女主角，你見Netflix劇集《Wednesday》個女主角都係得1米5幾，佢都可以駕馭成個劇本，氣勢都好強。大家咁鍾意宋慧喬，追睇佢嘅作品，佢都一樣唔係高大嘅演員，「我希望慢慢令觀眾覺得，唔一定高嘅女仔先可以演主角戲，除咗空姐同紀律部隊之外，其實身形細小嘅女主角都可以做得好好，我要為細細粒嘅人爭光！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：何家賢、林君茹
撰文：楊安莉