夜校︳葛民輝挑戰扮屍體最難扮硬挺直 讚吳肇軒現場似海綿吸收經驗

由葛民輝聯同吳肇軒、陳伊霖、MC張天賦及凌文龍等後輩合演的黑色幽默喜劇電影《夜校》，將於下個月公映。劇中葛民輝跟吳肇軒是父子關係，他因一場「意外」死去後，其屍體被MC綁架到一間廢校，眾人因而交集，爆發出不少問題。葛民輝、吳肇軒及陳伊霖這日接受訪問，大談拍攝電影的感受。

同場加映：

FINALLY搞舞台劇為阿冰甘願做配角 諗計博觀眾一笑：盡量唱得差啲

{{hket:ul-video id="9408"}}{{/hket:ul-video}}

{{hket:inline-image name="1.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

對於電影中大部分時間要扮屍體，葛民輝表示：「喺我人生裡面嘅角色係好大挑戰，唯一套戲係對白咁少，唔需要講嘢。講我未死嗰啲就有對白，死咗嗰啲就零。（同吳肇軒飾演父子？）睇番片先知佢係我個仔，因為戲中有幾何交流？佢喺殮房見我已經係『鹹魚』，到我『拉柴』臨尾出現時亦已經係尾段，中間有啲回憶片段係由佢嘅小孩版去演。」

夜校︳MC愛爆肚獲劉翁開綠燈力撐 同黃曦誼冇咀戲：續集加番【下一頁】

葛民輝指今次對他來講是大突破，並不是單純瞌埋眼演出就得，「係唔可以瞌埋眼，隻眼好似海報咁矇矇哋，其實呢個角色係好辛苦，隻眼又唔可以眨、又要震，又要扮硬晒挺到直，少龍（凌文龍）又冇乜力（抬我），我又要幫佢逗，唔可以自己趷起身，辛苦到呢！（演死屍感覺唔吉利？）唔怕，有利是嘛！（有專登拜神求平安？）唔使，因為有神婆保佑。今次最深刻印象係開鏡嗰日可能劇組收錯料，幫我化了海報個（死人）樣，報紙影出嚟之後好多人慰問我，『你係咪捱得好辛苦？個樣落晒型！』我話『幾辛苦，世界艱難。』（當時化錯妝冇要求落妝？）大佬，特技化妝要成粒鐘，以為現場拍我畀人抬嚟抬去鏡頭，但見大家行嚟行去着便裝。」

{{hket:inline-image name="2.jpg"}}{{/hket:inline-image}}

{{hket:inline-image name="3.jpg"}}{{/hket:inline-image}}

問到這次覺得導演劉翁是整蠱或明益？葛民輝說：「益我！因為好少朋友會慰問我，見報後就擔心我擺得唔耐，好耐冇見嘅朋友都whatsapp我。（入行第一次扮屍體？）印象中咁長時間唔使記對白係呢套，真係突破。（被抬起連行都唔需要？）嗰啲先難做，等如《色戒》梁朝偉咁，feel到扮係但其實唔係，大家都知小龍（凌文龍）同MC有幾高，要將我擺到好斜先拖行，我要『登』直晒，幾攰呀！」

姜濤前緋聞女友丨Candy黃曦誼同MC張天賦談情 主動獻吻「人哋男友」游學修【下一頁】

吳肇軒在旁建議葛民輝不用斟酌MC的高度，於是扯開話題讚他很有存在感，「記得殮場我同肥腸（徐浩昌）做戲，葛生演死屍演得好神似，但一cut機突然擘大眼就話『你頭先啲咬字呢，個嘴係咪未熱身呀？』就會開始畀意見，真係好好，有前輩咁肯去講畀我哋後輩知有咩可以更加好，係好感激同珍惜。（唔怕被前輩捉錯處？）係好開心㗎，越捉越開心，葛生就係捉咬字，詹Sir就係另一種，佢會睇我呢場玩到啲咩再去接，覺得係好好玩，所以唔覺得係壓力。」

（↓點擊放大睇圖片↓）

葛民輝稱吳肇軒是一個好神怪的演員，在現場似海綿般不停吸收經驗，「不過成日都好緊張，扯到行晒…最開心聽見佢同一個前輩，仲係圈中知道睇完劇本等如冇睇，演出係浮住去嘅，變咗每個take唔係背書，係睇對手點嚟就點接，呢啲交流先至開心，睇佢都駕馭到，呢套戲係上年拍，之後再合作見到佢成長，好勤力吸收。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

Hin Chai
Makeup：SHUENKONG
Hair ：Lupus@orient4
Outfit: Club Monaco

Eelyn
Hair : Match Tong @privateisalon
Makeup :King Yip @kingsmakeup Wasabi Cheung @kingsmakeup

攝影：馬駿傑
撰文：梁榮達