陳蕾和洪嘉豪除了是同門歌手外，私下都因為打機而成為好友，兩人同樣是十月底生日，於是今日兩人一齊舉辦聯合生日會，跟歌迷齊齊慶祝，場面非常熱鬧。沒想到兩人平日老友鬼鬼，連音樂事業都一齊起飛，席間兩人收到立體紅館造型的生日蛋糕，驚喜宣布陳蕾和洪嘉豪將於明年3月及4月前後腳舉辦首次個人紅館演唱會，認真可喜可賀。
同場加映：中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨
陳蕾較早前已宣布3月開紅館騷，公告兩場內部認購爆瀉，宣布再加開一場！生日雙喜臨門，十分開心。華納高層為二人準備了一個一手頂著紅館模型的生日蛋糕，上面印上Panther及KAHO的名字，陳蕾笑言，「我就話開紅館，做咩有你個名？想我請你做嘉賓？」KAHO即陰陰笑驚喜宣告，「唔好意思，我想同你講，你3月唔好搞污糟個紅館，因為我4月要用！」隨即全場「院友」（KAHO歌迷暱稱）開心驚叫歡呼連連。大會為兩人準備了香檳祝酒，KAHO開香檳後，大家叫兩人合巹交杯，不過陳蕾同KAHO兩個就扮聽唔到，KAHO更抵死笑話: 「合緊拳頭就得。」而兩人切蛋糕時，陳蕾笑言：「我諗緊點樣先唔似結婚...」
全民造星V丨「蕾安多芬」組約埋睇20強誕生 陳蕾On仔向被foul組員下跪致歉【下一頁】
兩人接受訪問時，陳蕾笑言： 「未試過喺婚禮場地搞歌迷聚會，唔知佢哋咩意思，個蛋糕又三層，又叫我哋兩個拖手、合巹咁，一齊切蛋糕嗰陣都有啲怪，當切燒豬咁囉。」歌迷手上的手幅，搞鬼寫《陳豪生日快樂》，KAHO表示，因為疫情時搞過「陳豪」線上互動，所以就用這個稱呼，當時曾考慮過叫真陳豪加入一齊傾偈，不過對方沒空，下次生日會其實可以邀請他一齊慶祝。
演唱會反應熱烈，宣告加場，陳蕾表示自己剛於日本工作回來，聽到這個消息當然開心，始終入行多年終於等到一個屬於自己大型演唱會。至於生日願望，她說：「都係嗰啲啦，好平凡人希望嘅事，許願許得長係會幫埋身邊好朋友許願，就等於舊年我真係有許願洪嘉豪可以開紅館，我舊年個生日願望實現咗啦，哈哈。」陳蕾大爆搵過洪嘉豪做演唱會嘉賓，但對方拒絕，事後解釋原來要求洪嘉豪玩一種樂器，令他非常抗拒。KAHO說：「我做嘉賓，似係食緊日本菜突然有人攞煲打邊爐上枱一樣，會破壞咗。不過我一定會支持睇騷，唔會好似上次咁，食錯嘢成個騷不斷去廁所。」
華納豪擲200萬落廣告為8歌手造勢 「老餅」洪嘉豪呷醋：高層唔要我哋【下一頁】
至於洪嘉豪4月的處男演唱會，他表示：「當然又開心又興奮，而家準備開兩場先，其實開到幾多場都可以，心態係無限啦！無論幾多場都好，我都會做到最好，全力以赴囉。而家都要開始開會籌備，上次戶外演唱會我覺得自己太瘦，所以今次會努力操肌，希望到時可以大隻番少少。至於生日願望，其實我年年都差唔多，慶幸都達成到，唔講出嚟啦，話會唔靈呀。而家年紀大咗，反而更想孝順父母，珍惜相聚時光，所以生日會請家人吃飯，會特別揀媽咪最鍾意食嘅大閘蟹。」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組