「震波惡霸」麥少華靠揸車維持生計 嘆特約演員連接駁車都冇權排隊？

專門飾演惡霸大隻佬，他的名字叫麥少華。過往在不少影視作品中，麥少華經常飾演劊子手、惡霸、大隻佬等人物。雖然擁有一副兇神惡煞的樣子，但他表示：「我外表兇狠，但我本身係優之良品！」

同場加映：我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作

{{hket:ul-video id="9406"}}{{/hket:ul-video}}

{{hket:inline-image name="11.JPG"}}{{/hket:inline-image}}

{{hket:inline-image name="794680.jpg"}}{{/hket:inline-image}}

麥少華最近接受《香港演藝人協會》訪問，他透露70年代在健身室玩健身，當時經朋友介紹而入行拍廣告，首個廣告在麗的電視播出。麥少華有不少辛酸血淚史，稱︰「我相信到今日為止，我都唔認為自己入咗行，我只係喺一個圈，呃飯盒嘅圈，所以唔稱得上入行，因為如果我靠呢份工，我連自己食飯都唔夠，莫講話要養家，要養妻活兒，只係當份兼職。」而他的正職，是駕駛旅遊巴士。

《愛回家》大陳自備私伙西裝開工 黃成想印尼出世廣東話由零學起【下一頁】

在影視圈中，麥少華演過無數小人物角色，他說：「我演過基佬（同性戀者）、演過賊、演過領隊導遊，因為我收嘅人工低，佢哋會睇邊個人工低就搵邊個演，人工高就要等下一次，所以我保持低工資，我嘅出鏡率就高喇！所以我演過好多角色，其實我幾鍾意演基佬！」

雖然演藝圈人工低，亦有揸車這份正職工作，麥少華仍然堅持拍攝的工作，他說：「一個人，多姿多彩，添咗好多顏色，你喺夢工場入面，你先做得到㗎嘛！如果你跳番入現實世界，你點會有機會？係，雖然人工低，但你學識好多嘢，以我嘅條件，又冇讀過書，冇資格讀訓練班，於是乎有呢啲參演去呃個飯盒，對我嚟講，我係覺得光榮，起碼我多個機會學嘢吖嘛！好多人連臨記都做唔到，我有機會去做，仲影埋大頭，又可以噏番一兩句對白，喺現實生活係唔可能㗎嘛！於是乎人工低我都做。」

愛回家丨群姐曾過勞令身體出現狀況 「醫生叫我最好唔好做嘢」【下一頁】

{{hket:inline-image name="12.JPG"}}{{/hket:inline-image}}

{{hket:inline-image name="16.JPG"}}{{/hket:inline-image}}

講到特約演員的辛酸，麥少華坦言在某間電視台，的確有一件令他不開心的事，「我哋走係必需坐接駁巴士先去到地鐵站，但係我哋呢啲崗位，係連排隊嘅權利都冇！如果人多嘅時候，你只能夠企喺度等，等到人哋上車，即係公司本身啲職員上晒車，有位剩喇，先輪到我哋呢啲下等崗位嘅人，有企位就放一個上去。我對呢件事好反感，外景好啲，因為我自己去，自己走吖嘛！」

撰文：黃曉妍

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】