愛回家丨演食屎陳師奶遭學生朋友質疑 孫慧蓮：本人唔食屎咪得囉

現年84歲的孫慧蓮，在處境劇《愛．回家之開心速遞》飾演食屎陳師奶，令不少觀眾認識她，食屎陳師奶與根叔（劉丹 飾）長期借豉油，關係亦帶點曖昧。她稱曾被不少朋友質疑，「乜你食屎呀？咁你都肯做？」，孫慧蓮認為做甚麼工作都好，都要投入去做。

同場加映：Patrick Sir關宛珊一家四口最緊要開心 疫情BB洋蔥頭牙牙學語識拜年

{{hket:ul-video id="7475"}}{{/hket:ul-video}}

{{hket:inline-image name="12.JPG"}}{{/hket:inline-image}}

孫慧蓮最近接受《香港演藝人協會》訪問，她透露兒時在船廠長大，曾夢想過自己將來會成為護士或者教師，最後考進葛量洪師範學院，由於不想交功課，她決定修讀體育，最後，她教了39年體育科。「羅家英係我觀塘官立小學嘅第二屆學生，佢應該係1960年嘅插班生。我調咗5間學校，好幸運，5間學校嘅同事都相當好，尤其係臨退休前，我喺將軍澳官立小學，嗰班同事好年輕，Ben Sir（歐陽偉豪）都係我同事。」

《愛回家》｜「食屎陳師奶」孫慧蓮被劉鑾雄點名 演諸事喱入型入格：多謝劉生記得【下一頁】

雖然表演慾強，熱愛演藝工作，但有感演藝圈複雜，一直唔敢入，她說：「我成日話自己樣又唔夠，高度又唔夠，口齒未必咁伶俐，最主要係我家庭，佢哋雖然唔理我，但一入娛樂圈呢個大染缸，一定唔畀，後來點解我會由教育界轉到演藝界，嗰陣我就嚟退休，我啲仔女喺美國，同事又好，我都唔使操心，睇到港台招聘演員，反正有個渠道，我咪去試吓，我寫信去應徵，點知真係畀我面試。」成功考入港台，及後加入無綫，參演過不少劇集，包括《男親女愛》、《皆大歡喜》、《高朋滿座》、《溏心風暴》、《巨輪》、《使徒行者》《刀下留人》、《公公出宮》、《金宵大廈》、《逆天奇案》、《十八年後的終極告白2.0》等等。

《愛回家》樹根同食屎陳師奶重口味玩曖昧 阮浩棕有感演「翻版劉丹」意義深遠【下一頁】

{{hket:inline-image name="CHAN8_600.jpg"}}{{/hket:inline-image}}

最為觀眾熟悉的，當然是《愛．回家之開心速遞》的食屎陳師奶，孫慧蓮說：「『陳師奶』引起好多市民對我嘅認識，如果講代表作，唯一就係呢個，因為我拍咗好長時間；有啲朋友同事話『乜你食屎呀？咁你都肯做？我話係名之嘛，你本人唔食屎咪得囉，呢個世界上有冇食屎吖？我啲學生都話『有冇搞錯呀？孫主任，咁你都做。』我話『做戲之嘛，做出人生百態，有乜唔好啫！我唔做壞事咪得囉，食屎唔係壞事，但有冇人食屎吖？』你做嗰行就投入嗰行。」
孫慧蓮指現時很享受工作，所以從沒想過退休，她坦言做到就繼續做，直至精神和體力負荷不了為止，她說：「除咗演藝，我仲會做義工，探訪獨居老人，但而家因為疫情問題，暫時停咗，我演『陳師奶』之後，去探訪獨居老人仲好好，佢哋認識我。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】