女神全智賢靚絕快閃品牌活動 何超儀徐濠縈同場唔合照？

韓國女星全智賢、台灣影帝吳慷仁、馮德倫、何超儀、徐濠縈、上山詩鈉女兒Hilary、談善言、李靖筠、盧慧敏、周汶錡等，今晚在中環出席服裝品牌活動，壓軸出場的全智賢，以一身紫黑色透視裝示人，全程雖然一言不發，但面對鏡頭亦有微笑揮手，現場有fans用韓文叫她及追著她，全智賢十分淡定，不過她逗留不足10分鐘，就由工作人員及保安護送下離場。

同場加映：

4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

{{hket:inline-image name="19.jpeg"}}{{/hket:inline-image}}

{{hket:inline-image name="10.jpeg"}}{{/hket:inline-image}}

對於2016年徐濠縈在社交平台上載陳子聰相片，因而令他病容曝光，當時何超儀指徐濠縈有「分享症」。今晚，這對昔日姊妹終於同場，獲品牌單位安排下在不同時段現身，使兩人未能合照。何超儀表示與對方對上一次見面，是黃偉文Wyman、髮型師的生日party，稱︰「當時我同佢合唱《千個太陽》畀我髮型師聽，（阿徐有冇見過子聰？）未呀！佢又忙呢，佢而家好投入佢嘅滑板，我哋嘅姊妹情會延續落去㗎！」

怨泊｜何超儀欣賞老公直率擔屎唔偷食 靠信仰祈求陳子聰度難關：密切咁求【下一頁】

何超儀感謝品牌邀請出席，「自從老公（陳子聰）有事之後，唔知有個咩人，係好心？黑心？定係戅居？我就收到風，佢同搞活動嘅PR講，話我要照顧老公唔做嘢，我要懸紅100萬搵佢。」至於陳子聰現時的情況，何超儀透露下月會陪他看醫生，「其實子聰已經錄緊音，幫我啲歌填英文歌詞，之後喺英國出碟。（會唔會叫子聰行fashion show？）會呀！曾經有次去法國，有個品牌高層邀請老公做guest model，佢而家ready，仲fit過我。」

吳慷仁逼港鐵低頭族走寶見唔到 網民關心台灣影帝點入餐廳搵食【下一頁】

{{hket:inline-image name="5.jpeg"}}{{/hket:inline-image}}

演技了得的吳慷仁，他表示很想拍港產片，希望跟杜琪峯合作，「因為好有香港戲味。」此時，吳慷仁見到馮德倫，十分驚喜，問他會否想跟馮德倫合作？吳慷仁笑道：「問佢吖，我好平（片酬）㗎！」馮德倫笑說：「聽說你現在太貴？」吳慷仁回他：「冇呀！我冇經理人，好好傾（指傾片酬）！」馮德倫笑問：「係咪㗎？」他搭住吳慷仁的肩膀，大讚每次看他的演出都見到進步。

{{hket:inline-image name="8.jpeg"}}{{/hket:inline-image}}

此外，提到馮德倫早前擔任陳慧琳（Kelly）演唱會嘉賓，他笑言只有驚沒有喜，「我同Kelly上次合作係2000年《北極雪》，我已經有20幾年冇唱歌，所以驚，但ok啦！（有冇唱歌癮？）我只有夾band癮，以前夾band都係想彈結他。」

採訪：黃曉妍

攝影：馬駿傑

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】