《The KARL LAGERFELD澳門慶祝典禮》昨晚假澳門上葡京綜合度假村舉行，邀得多位亞洲藝人包括韓星池昌旭、楊紫瓊、GOT7成員BamBam、內地女星李一桐等任嘉賓，場面盛大。何超儀昨日頸上掛著專業相機亮相，如同何家御用攝影師，她坦言刻意在家中攜同新相機到來：「今日我呢個記者look，雖然我唔太識用相機，Karl Lagerfeld幫酒店design，又係大眾熟悉嘅設計師，值得影；我又會用相機影低家人，今日係極具回憶性嘅一天！（老公陳子聰唔嚟？）佢唔得閒（要做嘢？）係呀，要做嘢！」不過，她其後受訪卻突然大爆子聰身體虛弱，而且有「有好棘（手）嘅病」，但她不想在家姐超鳳的大喜日子多談。
同場加映：港姐首輪面試學歷同年齡偏高 一片睇晒今屆參選佳麗質素
鋪鋪Poker丨何超儀稱被欺負靠大家姐代出頭 賭王女兒屋企電視機竟然係...【下一頁】
何超儀表示：「其實我呢排好少為自己做任何嘢，我做親的嘢都是為我老公，我都冇咗自己，明明夏天又唔去游水，搞到自己咁肥，去了個影展算係自己嘢，suppose Cornoy要去，但佢有啲好棘嘅病，又唔係話一定會死，但真係好棘。（你OK嗎？）我唔OK，其實而家好想爆粗，但因為我家姐的大喜日子，所以我唔爆住，遲啲講。」現年50歲的陳子聰在2016年突然傳患上肝腸病，何超儀隨即放下所有工作，24小時貼身照顧丈夫，及後康復情況不俗，亦有陪太太現身影展。
事後，何超儀解釋去年陳子聰回澳洲探望父母期間，突然感到肚痛入院檢查，發現有幾條血管撕裂導致嚴重內出血，故馬上進行手術，手術後更昏迷了20多天。何超儀立即飛赴澳洲陪伴陳子聰，可惜子聰手術之後下半身癱瘓了2個多月，再加上尿管斷裂及身體出現很多問題，令他嚴重暴瘦。何超儀在去年12月便安排老公返港繼續接受治療，雖然仍留有後遺症，但陳子聰今年1月已可以行走。何超儀在世界各地苦尋名醫為老公做手術，可惜都未能找到合適的治療，令超儀心情大受影響，已安排24小時看護在家照顧老公。
對於何家三房人多位成員難得同場，超儀稱：「之前都未試過，好遺憾子聰唔係度，陣間我哋全家人一齊食飯！」提到三房人的世紀大合照，她笑言：「超鳳真係有面子，好厲害！（影多啲一班姊妹？）我都想影，但家姐擰轉頭我就out focus。」
她又指久未見過奧斯卡影后楊紫瓊，因此大感興奮：「我特登安排家姐同Ｍichelle一張枱，其實我同佢係用同一個經理人，見面順道偷師。」她並稱：「佢去荷里活咁勁。（想Michelle帶埋你去？）我都同經理人講，自己當然恨同佢合作。（你係製作人？）我有做監製亦有演戲，希望有機會做佢監製或者佢幫我做監製，搵我拍打戲都ok。」
卸下前衛裝扮│何超儀快滿46歲大方曬素顏照 減齡廿年好友紛紛讚有少女味【下一頁】
何超鳳親手為酒店找來已故時裝巨匠Karl Lagerfeld設計，她受訪時說：「由搵佢合作到呢家，因為受疫情影響達九年時間，好開心澳門開番關，由1月通關開始，邀請到咁多人嚟呢度都好感恩！」超鳳又坦言非常欣賞Karl Lagerfeld為他們全球唯一親自設計的酒店：「佢好欣賞中國藝術文化，設計上亦融入咗一啲歐洲文化入去，酒店每個角落包括傢俬、擺設都出自佢手筆！亦加插咗現代化嘅感覺。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：Steven
攝影：林良明
撰文：娛樂組