楊茜堯幫小珍珠揀國際學校恨追女 羅子溢拍咀戲唔呷醋最怕呢樣……

楊茜堯（原名楊怡）今日在旺角，以代言人身份出席保健食品活動，分享保養秘方。自2016年與老公羅子溢（羅仲謙）婚後，他們育有一對子女，楊茜堯一直相夫教子，笑言照顧小朋友比拍劇還要辛苦。

同場加映：  中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

現年3歲半的大女「小珍珠」羅翊心和1歲半大的細仔Eden，是最好動和活躍的時間，楊茜堯表示要無時無刻盯住他們，「每下都要望實佢哋跑去邊，摸啲乜嘢，食啲乜嘢，精神壓力大好多，今日我要編排好晒先可以出到嚟。」家姐楊卓娜亦已為人母，兩姊妹會否講湊仔經？楊茜堯笑說：「反而少啲，因為家姐個女都大，佢嘅心得已經去咗供書教學，反而我同朋友取經就多。對於之前為小珍珠報讀幼稚園，過程是否順利？楊茜堯表示：「疫情期間係多咗用zoom面試，其實嗰種感覺好奇怪，不過我哋好怕麻煩，鎖定目標，呢間就呢間，而且係讀國際學校，程序就會簡單啲，同埋冇咁大壓力。」

{{hket:inline-image name="1S8A9885.JPG"}}{{/hket:inline-image}}

至於會否追多個？楊茜堯笑說：「唔會喇啩！屋企人都有講『想唔想生？』，我話『如果我知道一定生個女，我會好想生女，如果生仔就頭㾗喇，但生仔定女冇人知㗎嘛！（老公紮唔紮好呀？）喂，呢樣嘢有冇影射？紮咩？紮辮呀？我而家唔紮啦，頭髮剪到咁短。（鍾意女多過仔？）我仔女都鍾意，因為我有兩姊妹，所以我都希望個女有個妹。」

早前參演過劇集《家族榮耀》後，楊茜堯表示有劇集正洽談中，但未可透露細節。到時由老公負責照顧小朋友？她說：「我有講過，如果我出嚟拍，佢要負責多啲喺屋企，其實都好，佢啱啱拍完劇，如果嚟緊我有劇開，我哋就做交替工作，不過主打都係依賴嫲嫲、婆婆、傭人姐姐。（會唔會夫妻檔接內地綜藝節目？）我哋等緊㗎，（親子節目呢？）咁要出賣個女喎，我都驚個女會抗拒上鏡，但如果佢鍾意，我都會考慮，而家世代轉變，畀佢哋見識多啲，對佢哋成長都快啲。」談及羅子溢在《家族榮耀之繼承者》，與王敏奕有激吻戲，楊茜堯表示自己都是演員，所以不會介意和呷醋，反而擔心被子女見到。
採訪：黃曉妍
攝影：馬駿傑