由郭子健執導、劉德華監製及主演，謝霆鋒兼任動作導演及領銜主演、許冠文特別演出的新片《怒火漫延》，今日在啟德郵輪碼頭舉行開鏡儀式，同場還有演員此沙、陳家樂、呂良偉、陳國邦、沈震軒、謝苗、何珮瑜、楊天宇、胡子彤、方平、張文傑、林秋楠、湯君慈、龐景峰。他們誠心上香，祈求拍攝順利，劉德華和謝霆鋒更即場派《怒火漫延》利是給一眾演員。
同場加映：
中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨
華仔和霆鋒曾合作電影《新少林寺》，相隔12年後，大家分別以監製及動作導演身分再合作，華仔說：「希望喺我哋兩個認識嘅（陳）木勝世界底下，重新演繹一部木勝嗰啖火，繼續蔓延落去。同霆鋒再合作，覺得佢成熟咗好多，喺過往日子入面，見佢參與咗好多動作嘅表演，一直覺得佢有能力喺呢方面發展。」霆鋒表示希望能夠構思一個讓觀眾較難忘的場面，在動作設計上，會否「錫住」劉德華？霆鋒笑說：「我哋拍咗差唔多4日華哥嘅動作戲，真係好快手，好犀利，見到咁多年累積嘅經驗。」
華仔天地丨劉德華陶大宇首合唱《倒轉地球》 Dee哥何啟華同台勁舞受寵若驚【下一頁】
問到如何延續陳木勝精神？華仔說：「木勝會用新演員，由《特警新人類》開始，佢哋會有好多畫面，或者意念上。其實我哋今次都諗咗好耐，除咗我哋兩位之外，希望令到新一代演員有所提升，希望香港有更多演員可以發光發熱。」
對於最近有不少歌手如張天賦（MC）、魏浚笙都喜歡唱霆鋒歌曲，他笑說：「多謝，（大家期待你再開演唱會？）搞掂埋《怒火漫延》先，其實我未有計劃嘅！」
中年好聲音2落選│呂良偉斥TVB淘汰胞弟走寶 陳康健罕見病康復出戰失利【下一頁】
至於呂良偉開心與偶像許冠文合作，表示︰「睇住佢嘅《雙星報喜》長大，我哋見到佢，我哋都好開心。之前我哋識咗，知道佢個人非常好，第一次合作，好開心。」提到呂哥摸霆鋒肌肉，有講有笑，問到他們是否研究健身？呂哥續說：「我自問都唔錯，都好勁，佢係我見過喺肌肉運用得最好嘅一個，將身體所有爆炸力集中一點。我當然可以做到啦！估唔到佢都做得好好，做運動一定唔可以過勞，方法一向好重要。」
撰文：娛樂組
攝影：馬駿傑
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】