無制限探險隊丨Marco葉振弘食便便兼污水沖涼刷牙 程人富笑真醫生咖喱黃雅慧唔可靠？

ViuTV節目《無制限探險隊》由程人富和葉振弘（Marco）擔任主持，黃雅慧（咖喱）則做隨團醫生，與攝製隊穿梭南非、烏⼲達，肯亞和埃塞俄比亞，以最極限的手法，拍攝觀眾從未見過的黃金畫面。

同場加映：4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

{{hket:inline-image name="1S8A8898.jpg"}}{{/hket:inline-image}}

{{hket:inline-image name="29.jpeg"}}{{/hket:inline-image}}

日前，他們接受訪問時，透露出發前要注射8至9支防疫針，每天旅程中亦要食藥，本身是醫生的咖喱，她指如不食藥的話，會有機會染上瘧疾。雖然有咖喱這個隨團醫生同行，但程人富笑言最初有懷疑，「吓！佢可唔可靠㗎，講嘢咁冇sense！」Marco接著說：「佢醫人嘅時候話求其啦！」程人富續說：「直至有一次，全部人對佢肅然起敬，見到佢幾專業呀，嗰吓我先覺得佢真係醫生。」提到他們有不少嘔吐鏡頭，程人富透露所住的地方有很多蚊，然後將蚊烹調，Marco說：「嗰陣臭腥味，隔咗3日仲聞到個口呢陣味。」據聞Marco要食動物便便，他即說：「食又冇嘅，但掂到個嘴，唔同動物，豹、斑馬、羊...我唔係唯一一個啦，係全部人一齊玩，分甘同味。（感覺如何？）肉食動物會再臭啲，草食動物係乾淨啲。」

無制限探險隊丨Marco程人富挑戰笨豬跳驚到爆粗 咖喱坦桑尼亞行山7日冇涼沖【下一頁】

他們在節目中玩Skydiving，Marco表示這個環節是最安全，「開頭都驚，但之後好enjoy，呢樣同bungy jump（笨豬跳）唔同，南非風景真好靚。」他又指在當地第一次見到花豹，是他見過最靚的動物。會否擔心被花豹襲擊？程人富笑說：「我哋好多人喺度，即使食，都未必食中我，有人跑得慢啲嘅！」咖喱最難忘是在大草原看到眼前有一大堆斑馬，「佢哋黑白色好分明，見佢哋個pat pat扭吓扭吓，好得意。」首次見獅子的程人富，其第一個反應是：「嘩，獅子真係好大隻，因為我有養貓，佢哋嘅行為有少少似，好想摸吓佢，但佢又好巨型。」

{{hket:inline-image name="21.jpeg"}}{{/hket:inline-image}}

One Day約會實況丨Marco暖男上身同運動女神Dating 林芷煖被一個動作一番說話冧爆【下一頁】
在落後的地方，經常遇到衛生問題，沒有洗手間，就算有，都是很污糟，Marco說：「我哋住嘅旅館，啲水係污水...」程人富說：「我同佢講，你沖涼啲水係黑色...」Marco續指：「我仲嗰啲水刷牙，點解我係都要沖涼，因為我經歷過成地黃沙，成面塵，出晒汗，好污糟，所以就算係污水，我冇辦法唔沖，不過有啲地方冇水，都試過3至4日冇沖涼。」咖喱則指在坦桑尼亞試過沒洗澡7天。對於女性每個月總有不方便的日子，咖喱會否遇到麻煩事？她說：「除咗去南非、烏⼲達，肯亞、埃塞俄比亞，我跟Mike導佢哋去埋坦桑尼亞，但嗰度係盛產檐蛇（四腳蛇），我最驚檐蛇，就算喺肯亞，住嘅地方好靚，但我間房都有5、6條，我係要女PA帶我去洗手間，呢個係我最需要克服嘅難關。」

{{hket:inline-image name="28.jpeg"}}{{/hket:inline-image}}

{{hket:inline-image name="22.jpeg"}}{{/hket:inline-image}}

{{hket:inline-image name="25.jpeg"}}{{/hket:inline-image}}

採訪：黃曉妍

攝影：馬駿傑

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】