男子組合MIRROR隊長楊樂文（Lokman）的女友甄吳露茜（Luxi）今日在銅鑼灣時代廣場，聯同男子組合P1X3L成員歐鎮灝（George）出席《Life is Good in the Woods》活動，Luxi表示閒時會跟Lokman行山及露營，享受大自然景色。
同場加映：
中島美嘉愛與4貓傾訴減壓療癒 多變形象喜能體驗Drag Queen文化
ViuTV劇《那年盛夏我們綻放如花》口碑不俗，身為男主角的George謙稱自己仍是演戲初哥，還在學習階段，指現時不少途人會稱呼他劇中名字「何晞賢」，他笑言有點不習慣，「我阿媽同我阿爺話好血腥，睇唔到呀...反而中學同學就有睇，特登DM我話好睇。」是否想開續集或者電影版？George：「我冇刻意想開續集，反而我想我哋成班拍第二啲題材。」
One Day約會實況丨Marco暖男上身同運動女神Dating 林芷煖被一個動作一番說話冧爆【下一頁】
談到P1X3L隊友吳啟洋（Phoebus）早前被傳背住女友張天穎（Jaime）秘戀許寶恆（Alice），事後Phoebus承認與Jaime已分手，同時否認有第三者。George說：「Phoebus不嬲都冇乜嘢，佢而家集中喺事業上。（有冇慰問Alice？）有！其實都冇需要慰問，因為大家都冇乜嘢。」人紅是非多，緋聞亦有可能隨之而來，George不想有緋聞。追問是否想A0的葉振弘（Marco）快點有緋聞呢？George笑說：「我唔講佢，識咗佢咁多年，都有同佢講搵個女仔增加吓經歷，唔係話叫佢冇咗男兒身，係要進修，個人要多啲經歷，對任何嘢嘅睇法都會唔同咗，（你都覺得佢keep得太耐？）太耐喇！大佬，你keep咁耐做嘢呀？佛身咩！（你有冇教路？）初頭幾年佢都有問我，而家佢啲招數好勁㗎喇！唔使教，佢而家同女仔相處真係大膽咗好多，佢會搵話題同女仔傾偈。（會唔會有女友都唔話你知？）唔會，我哋3兄弟乜都攞出嚟講！」
Lokman否認「520」送花求婚 指女友等得未有結婚壓力【下一頁】
提到Lokman早前與隊友到澳洲拍攝團綜，Luxi表示由於時差問題，加上男友也很忙，所以每日只能抽少少時間通電話。問到有沒有買手信？Luxi開心地說：「佢買咗兩件衫畀我！好靚㗎！」Luxi稱跟男友去過日本、泰國旅行，她希望將來可以來一次歐洲之旅。
歐洲之行順便影Pre wedding？她笑說：「冇喎，唔關事喎！」談及9月26日是Lokman生日，他翌日就出發澳洲，Luxi說：「嗰日好簡單食咗餐飯，跟住佢返到嚟香港都好忙，我哋都未有時間補祝，（有冇買生日禮物？）仲未，補祝嗰日再送。」
採訪、攝影：黃曉妍
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】