四位香港不同年代的音樂人謝安琪、泰迪羅賓、Anna hisbbuR、陳諾霆（Rondi）主演的新戲《4拍4家族》，各有音樂風格，各有夢要追。熱愛音樂的他們，這次飾演一家人，駕駛著音樂貨車，遊歷香港各處，夾Band奏出溫情的樂曲。
電影故事描述這家人憑著音樂來連繫感情，理念一致——無論去到哪裡，都會是他們的舞台。日前，謝安琪、Anna hisbbuR和陳諾霆接受《晴報》訪問，謝安琪表示這一家人就算分開，無論去到那裡，心永遠都會連結一起，感情不變，她說：「有一啲場面好觸動我，全家人去遊歷香港，我哋有時候揸貨車揸到去唔同地點Busking，雖然好窮，但係我哋架車好高端，就算去到飛鵝山我哋都有閃耀舞台。」
戀講嘢丨謝安琪爆老公當年表白騎呢趕客 以為張繼聰係同志：冇諗過佢追我【下一頁】
張繼聰老屈囝囝仰慕自己讚大隻 張瞻即時否認 爸爸出招扭轉局面【下一頁】
謝安琪飾演女主角Cat，是染了一頭金毛的Band Leader，帶領著曾經拋妻棄女的父親（泰迪羅賓 飾）以及同父異母的妹妹樂弦（Anna hisbbuR 飾）及囝囝陳諾霆夾四圍Band，謝安琪稱，角色情緒波動很大，跟自己很不一樣，「我呢個角色，Cat嘅家庭擔子好重，佢想賺經費，做到自己嘅音樂，又要獨力養大小朋友，要打好多份工，佢人生好大壓力，可想而知情緒有幾波動，佢都幾惡，有時同啲細路相處都會好䒐䒏！我好痛心呢個人物，要面對咁多嘢，我相信觀眾喺佢身上會搵到共鳴。」
一家四口遊歷香港，加上閃亮的私人舞台，靚景靚人令人醉心。實際上拍攝時都幾辛苦，Anna hisbbuR表示一家人在天台食飯一幕好難忘，「我哋真係共患難！拍嗰陣天氣好凍，一家人喺天台食飯，當時落住雨又凍。我哋除咗上飛鵝山之外，仲要喺西貢坐船出去，好多鏡頭...我哋凍到流住鼻涕嚟拍！」
謝安琪補充，除了天氣之外，由朝到晚長時間拍攝都是考驗，「我哋喺山上，望住香港萬家燈火，分享音樂，場面係好感人，影出嚟又凄美，但真係好凍！觀眾入場睇戲會睇到我哋『表情管理學士學位』唔係浪得虛名，管理得唔錯。同埋喺西頁出海嗰日，場戲都好長，由凌晨5點去到黃昏仲拍緊，拍得辛苦，但係好開心。」
圍爐取暖是常識吧！在山上大風得，就算一班人圍著火爐都被風吹熄。四人都是音樂人，自然用音樂來分散注意力。10歲的陳諾霆有「天才鼓手」之稱，一班大人Jam歌，他就充當鼓手，有時就會彈琴，謝安琪稱陳諾霆亦是攝影高手，不時拿起攝影師的相機幫手影劇照，而且效果極佳。
22歲的Anna hisbbuR以獨立唱作人歌手姿態在2022年入行，跟亦是獨立歌手出道打天下的謝安琪背景甚為相似。未埋位拍攝的時候，Anna hisbbuR把握時間向前輩取經學習，說：「我哋一齊討論，我會聽佢喺呢一行業嘅經歷，覺得幾得意呀！大家年代不同，聽到好有共鳴，有好多共通之處，鼓舞到我。喺佢身上我學識，毅力是必需的，做自己創作係要無限堅持，無盡魄力，一日要有36小時先得！」
戲外，其實謝安琪對Anna hisbbuR、陳諾霆兩位後輩一點也不陌生，她表示一直有聽Anna hisbbuR的歌曲，深感對方是香港少有的女低音結他手，十分適合演樂弦一角。至於跟陳諾霆的關係更是密切，對方的父親Tomy跟謝安琪合作多年，而陳諾霆的爺爺同是出色的鼓手，謝安琪笑言︰「我係睇住諾霆天才育成，希望將來可以合作創作歌曲。」
撰文：王連連
攝影：何家賢、林君茹
鳴謝及場地提供：ClubONE
服裝提供： Sandro Paris、Maje（謝安琪）
化妝：Kris Wong（謝安琪）
髮型：Sing Tam @ Artify Lab（謝安琪）
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】